تورکیه افراطی اسرائیل لیک لرنینگ مسجدالاقصی گه باستیریب کیرگن لیگی نی قاره له دی

تورکیه, اشغال آستیده گی شرقی بیت المقدس ده, افراطی اسرائیل لیک لرنینگ مسجدالاقصی گه باستیریب کیرگن لیگی نی قاره له دی. 

تورکیه جمهوریتی تشقی ایش لر وزیرلیگی تامانیدن بیریلگن بیاناتده, "اشغال آستیده گی شرقی بیت المقدس ده افراطی اسرائیل لیک گروپ لرنینگ اسرائیل خوفسیزلیک کوچ لری نینگ حمایتی بیلن مسجدالاقصی گه باستیریب کیرگن لیگی نی قاره لرایکن, اوشبو وضعیت نی قبول ایتیله آلمه یدیگن بیر نرسه اوله راق بهالنتیرماقده میز" دییه قید ایتیلدی. 

بیانات نینگ باشقه بیر قسمیده ایسه, "مسجدالاقصی نینگ مقدسلیگی و خلق ارا حقوققه تَیَنگن موقفی نی اخلال قیلگن بونده ی ایش لرگه اجازت بیریلمس لیگی و بحران نینگ آرتیریلمس لیگی اوچون اسرائیل مقام لری نی زودلیک بیلن تدبیر آلیش گه چقیره میز" شکلیده گی سوز لر گه اورین اجره تیلدی.

افراطی یهودی ناقل لر, عبرانی تقویمی گه کوره ییل نینگ بیرینچی کونی بولگن "روش هشانا بیره می" سببلی, توناون ایرته لب مسجدالاقصی گه باستیریب کیررایکن, اسرائیل پولیسی, اوشبو عمل گه قرشی ناراضی چیلیک نمایش لری اوتکزماقچی بولگن فلسطین لیک لر نی توخته تیش گه حرکت قیلگن ایدی.