عراقده بیر قطار تروریست جنگری تاثیرسیز وضعیت گه کیلتیریلدی

عراق نینگ شمالیده بولووچی ترور تشکیلاتی پی کاکا منسوبی 2 ته تروریست جنگری تاثیرسیز وضعیت گه کیلتیریلدی.

تورکیه جمهوریتی ملی مدافعه وزیرلیگی تامانیدن بیریلگن بیاناتده؛

"قهرمان تورک قوراللی کوچلریمیز، عراق نینگ شمالیده گی تروریستلرنینگ اویه لرینی ییر بیلن یکسان قیلیش گه دوام ایتماقده. غارا منطقه سیده تثبیت ایتیلگن پی کاکا منسوبی 2 ته تروریست جنگری تاثیرسیز وضعیت گه کیلتیریلدی. تروریستلرنینگ جایلرینی هدف آلیش گه دوام ایتماقده میز" دییلدی.

تورکیه جمهوریتی ایچکی ایشلر وزیرلیگی تامانیدن بیریلگن بیاناتده ایسه ترور تشکیلاتی پی کاکا منسوبی 2 ته تروریست جنگری نینگ کوندیریش یولی آرقه لی کیلیب تسلیم بولگن لیگی بیلدیریلدی.

آلیب باریلگن کوندیریش اورونیشلری نتیجه سیده پی کاکادن قاچیب خوفسیزلیک کوچلریگه کیلیب تسلیم بولگن ترور تشکیلاتی منسوبلری نینگ 1999 و 2012 ییلیده ترور تشکیلاتی گه باریب قوشیلگن لیکلری و عراقده فعالیت آلیب بارگن لیکلری تثبیت ایتیلدی.

شونده ی بولیب جاری ییل ایچیده کوندیریش یولی آرقه لی تسلیم بولگن تروریست سانی 65 گه ییتدی.