یهودی ناقل لر فلسطین لیک لر نینگ قیشلاغی گه باسیب کیردی

غربی نوارده یهودی ناقل لر, اسرائیل عسکر لری نینگ حمایه سی بیلن فلسطین لیک لرنینگ قیشلاغی گه باسیب کیریب تاش بیلن هجوم قیلدی. 

نابلس نینگ جنوبی ده گی اللبن الشرقیه منطقه سی محلی کینگش باشلیغی یعقوب شاهین, اسرائیل عسکر لری نینگ حمایه سیده گی بیر گروپ یهودی ناقل نینگ, فلسطین قیشلاغی گه باسیب کیریب, فلسطین لیک لر نی تحریک ایتگن لیگی و تاش آتگن لیگی نی بیلدیردی. 

تامان لرنینگ بیر بیر لری گه تاش آتگن اوشبو جنجال آرتیدن اسرائیل عسکر لری کوز یاشی آقیزوچی گاز و گاز کپسول لری دن فایده لندی.  اونلب فلسطین لیک گازدن تاثیرلندی. 

اسرائیل نینگ نادولت تشکیلات لری دن بیری بولگن B'tselem نینگ ایتیشیچه, جاری ییل ده یهودی ناقل لر فلسطین لیک لر گه 451 مرته هجوم قیلگن.  اوشبو هجوم لرنینگ 251 ته سی ایسه فلسطین لیک دهقان لر گه قره تیلگن. 

اسرائیل نینگ میلادی 1967 – ییلده اشغال ایتگن غربی نوار توپراق لریده 1 میلیون جریب دن کوپراق بیر ساحه ده قورگن 280  دن آرتیق ناقانونی یهودی تورر جایده تقریباً 450 مینگ یهودی ناقل یشه ماقده.