عراق اردوسی ترور تشکیلاتی پ.ک.ک نینگ پیشمرگه گه قرشی هجومی نی قاره له دی

عراق اردوسی, ترور تشکیلاتی پ.ک.ک نینگ دوهوک ده پیشمرگه کوچ لری گه قره ته اویوشتیرگن هجومی نی قاره لب چیقدی. 

قوراللی کوچ لر عمومی قوماندان لیگی سوزچیسی یحی رسول, بیرگن یازمه بیاناتیده, "دوهوک ده عراق لیک بولمه گن قوراللی گروه لر تامانیدن پیشمرگه کوچ لری چوکاتیده گی عراق حربی لری گه قره ته اویوشتیریلگن تروریستیک هجوم نی قاره له یمیز" دییه قید ایتدی. 

خوفسیزلیک کوچ لری نینگ اوشبو هجوم بیلن علاقه لی تیرگاو باشلتگن لیگی نی بیلدیرگن رسول, عراق نینگ خوفسیزلیگی گه ضرر ییتکزه دیگن کیشی لرنینگ جزالنتیریله دیگن لیگی نی معلوم قیلدی. 

عراق نینگ شمالی ده گی محلی رهبریت نینگ پیشمرگه وزیرلیگی تامانیدن بیریلگن بیاناتده, پیشمرگه کوچ لری نینگ دوهوک نینگ احمدی تومنیده ترور تشکیلاتی پ.ک.ک نینگ پیستیرمه سی گه اوچره گن لیگی بیلدیریلگن ایدی. 

بیاناتده, اوشبو حادثه عاقبتیده 5 نفر پیشمرگه نینگ اولگن لیگی و 7 پیشمرگه نینگ ایسه یره لنگن لیگی معلوم قیلینگن ایدی.