اسرائیل کوچلری فلسطین گه حربی هجوم اویوشتیریش گه دوام ایتماقده

اسرائیل عسکرلری اوزاق ییللردن بیری اشغال آستیگه آلگن غزه گه ییردن، هوادن و دینگیزدن هجوملر اویوشتیرماقده.

غزه نینگ شمال-شرق و شمال – غرب منطقه لریده اسرائیل کوچلری ایریم هدفلرنی توپ آتیشلری بیلن عین دمده هوادن و دینگیزدن بمباردمان قیلماقده.

هجوملر باعث شهرنینگ شمالیده برق نینگ کیسیلیب قالگن لیگی و اسرائیل کوچلری بمباردمان قیلگن جایلرده یانغین یوز بیرگن لیگی قید ایتیلدی.

مذکور منطقه لرگه امبولانس و تینچ اهالی قوریقلش گروهلری نینگ سوق ایتیلگن لیگی معلوم قیلیندی.

کیچه لب غزه نواری نینگ شمال منطقه سینی قتّیق بمباردمان قیلگن اسرائیل حربی اوچاقلری 2 ساعتلیک دم آلیش نینگ آرتیدن تکرار بمباردمان قیلیش گه باشله گن لیگی افاده ایتیلدی.

شونده ی بولیب اسرائیل اردوسی سوزچیلیگی غزه گه باریب کیرگن لرینی تکرارلشدن قول تارتیب عسکرلرنینگ غزه گه کیرگن لیگینی ایتالمه یمیز دیب ایتدی.

اسرائیل اردوسی سوزچیسی جوناتن کونکیروست اناطولی خبر آژانسی گه بیرگن دستلبکی بیاناتیده اسرائیل اردوسی نینگ غزه نواری گه ییر آرقه لی عملیات باشلتگن لیگینی ایتگندی.

سوزچیلیکدن بیریلگن ایککینچی بیاناتده ایسه ترجمه خطاسی یوز بیرگن لیگی و ییر عملیاتی نینگ باشله مه گن لیگی بیان ایتیلدی.

شونده ی بولیب اسرائیل کوچلری تامانیدن 10 میده باشله تیلگن و رمضان بیره می گه قره مه دوام ایتتیریلگن هوا هجوملریده 27 ته سی باله توپلم 103 نفر فلسطینلیک تینچ اهالی شهید بولدی، 580 کیشی یره لندی.

اسرائیل عسکرلری بیت المقدس و اشغال آستیده گی غربی نوارنینگ انچه جاییده غزه نوارینی قوللب - قوتلش مقصدی بیلن آلیب باریلگن ناراضیچیلیک نمایشچیلریگه حقیقی و پلاستیک اوق اوزیشی بیلن 139 کیشی یره لندی.