ایردوغان سوریه ایچکی اوروشی نینگ ییل لیگی مناسبتی بیلن بیر مقاله نشر ایتدی

تورکیه جمهوریتی جمهور باشلیغی رجب طیب ایردوغان تورکیه نینگ پوزیشنی نینگ سوریه ده ایچکی اوروش باشلنگندن بیری هیچ اوزگرمه گن لیگینی ایتدی.

ایردوغان جنابلری سوریه ده گی ایچکی اوروش نینگ 10 - ییل لیگی مناسبتی بیلن بلومبرگده بیر مقاله نشر قیلدی.  

تورک ملتی نینگ سوریه ده برچه سوریه لیکلردن نماینده لیک قیله دیگن ظرفیت گه ایگه بیر سیاسی تیزیم ایجاد ایتیلیشی نینگ تینچلیک و برقرارلیک نینگ تامین ایتیلیشی اوچون شرط ایکن لیگی گه اشانگن لیگینی بیلدیردی.

سوریه ده تینچلیک و برقرارلیک نینگ قیته دن تامین ایتیشیلی اوچون غرب نینگ تورکیه نی صمیمی بیر شکلده قوللب – قوتلشی کیره ک لیگینی تیلگه آلگن ایردوغان شولرنی ایتدی.

"دموکراسی، سوز ایرکین لیگی و انسان حقلری رواج بولگن بوگونگی کونده انسانیت نینگ سوریه ده گی اجراآتلری صمیمیت نینگ کورستگیچی بوله دی. شونی فخر بیلن ایته منکی تورکیه نینگ پوزیشنی سوریه ده ایچکی اوروش باشلنگندن بیری هیچ اوزگرمه دی. سوریه نینگ توپراق بوتونلیگی و سیاسی بیرلیگی گه حرمت قیلمه گن تقدیرده صلحانه و دایمی ییچیم نینگ ممکن بولمس لیگینی تاکییدله یمیز" دیب گپیردی.

جمهور باشلیغی تورکیه نینگ محلی عنصرلر بیلن بیرگه لیکده ایجاد ایتگن خوفسیز منطقه لرنینگ تورکیه نینگ سوریه نینگ کیلجگی گه بولگن ایشانچی نینگ کورستگیچی ایکن لیگینی معلوم قیلدی.

ایردوغان غرب نینگ اولاً خوفسیز منطقه لرگه هجوم اویوشتیرگن خونخوار تیزیم و ترور تشکیلاتی (پی کاکانینگ سوریه ده گی ترماغی) وای پی جی گه قرشی انیق یانداشوو کورستیشی کیره ک لیگینی اورغوله دی.

"(امریکا قوشمه ایالتلری دولت باشلیغی جو بایدن) باشقرووی بیرگن وعده لرینی بجا کیلتیریب سوریه ده گی فاجعه نی اداغگه ییتکیزیش و دموکراسینی قوریقلش اوچون بیز بیلن بیرگه لیکده فعالیت قیلیشی کیره ک دیر" دیدی.

جمهور باشلیغی ایردوغان سوریه خلقی نینگ اینگ اساسی شرفی طلبلرینی تامین ایتالمه گن برچه ریجه لرنی رد ایتگن لیکلرینی اورغوله دی و بو کبی ترجیحلرنینگ بحراننی کوپه یتیره جگینی قید ایتدی.

غربی دولتلرگه انسانی بحراننی کمه یتیریش اوچون ذمه سیگه توشگن مسؤلیتنی بجا کیلتیریشینی خواهله دی. تورکیه نینگ اوستیده گی یوک نی تقسیم قیلمه گن تقدیرده اروپاگه قره ته ینگی بیر کوچ دالغه سی نینگ یوز بیریشی نینگ ممکن ایکن لیگینی تیلگه آلدی.