قطر بیلن سعودی عربستان اوز ارا کیلیشیب آلدی

بو کیلیشوو بیلن اوز ارا چیگره لرنی آچیش قراری قبول قیلیب آلیندی

1557632
قطر بیلن سعودی عربستان اوز ارا کیلیشیب آلدی

قطر بیلن سعودی عربستان توناون کونی کیچه دن باشلب چیگره لری نینگ آچیلیشی توغریسیده کیلیشیب آلدی.

کویت تشقی ایشلر وزیری احمد ناصر محمد الصباح تلویزیون آرقه لی قیلگن صحبتیده کویت امیری شیخ نواف الاحمد الجابر الصباح نینگ قطر امیری شیخ تمیم بن حمد آلثانی و سعودی عربستان ولیعهد شهزاده سی محمد بن سلمان بیلن تیلفون آرقه لی صحبت قیلگن لیگینی ایتدی.

"سعودی عربستان بیلن قطر اورته سیده گی قوریقلیک، دینگیز و هوا چیگره لری نینگ آچیلیشی اوچون کیلیشیب آلیندی" دیب ایتگن کویتلیک وزیر، قطر بیلن سعودی عربستان اورته سیده گی برچه مسئله لرگه ییچیم تاپیش توغریسیده هم کیلیشیب آلینگن لیگینی قید ایتدی.

سعودی عربستان، بیرلشگن عرب امیرلیکلری، بحرین و مصر 2017 – ییل 5 جونده "تروریست گروپلرنی قوللب – قوتله گن لیگی" عیبلاوی بیلن قطر بیلن برچه دیپلوماتیک علاقه لرینی کیسیب تشلرکن بو اولکه گه قره ته اقتصادی چیکلاو عملی قیلیش گه باشله گندی.

قطر اوشبو اولکه لرنینگ برچه عیبلاولرینی رد ایترکن بو وضعیت کورفز منطقه سیده بحرانگه سبب بولگندی.

کویت ایسه بحران نینگ باشیدن بیری ییچیم اوچون تامانلر اورته سیده واسطه چیلیک قیلیب تورگندی.    



علاقه لی ینگی لیکلر