تورکیه بحرین نینگ اسرائیل بیلن بولگن مناسبتی بوییچه قراری نی قتتیق قاره له دی

اوشبو خصوصده تورکیه جمهوریتی تشقی ایش لر وزیرلیگی تامانیدن بیانات بیریلدی

1489185
تورکیه بحرین نینگ اسرائیل بیلن بولگن مناسبتی بوییچه قراری نی قتتیق قاره له دی

تورکیه جمهوریتی, بحرین نینگ اسرائیل بیلن دیپلماتیک مناسبت قوریش بوییچه قراری نی قتتیق قاره له دی.

تشقی ایش لر وزیرلیگی تامانیدن بیریلگن بیاناتده, "بحرین نینگ بیرلشگن عرب امیرلیک لری نی تقلید قیلیب, عرب تینچ لیک تشبثی و اسلام همکارلیک تشکیلاتی دایره سیده گی تعهد لر گه ضد بیر شکلده اسرائیل بیلن دیپلماتیک مناسبت قوریش گه قرار قیلگن لیگی نی قیغو بیلن کوتیب آلماقده میز و اوشبو قرار نی قتتیق قاره لی میز" دییه قید ایتیلدی. 

بیاناتده, اوشبو قرار نینگ فلسطین دعوی سی نینگ مدافعه ایتیلیشی گه قتتیق ضربه اوره دیگن لیگی معلوم قیلیندی. 

بیانات نینگ دوامی ده, "فلسطین گه قرشی نامشروع فعالیت لری و فلسطین توپراق لری نینگ اشغالی نی دوام ایتتیریشی بوییچه اسرائیل نینگ جسارتی نی آرتیره دی" دییه قید ایتیلدی.

بیاناتده, اورته شرق ده تینچ لیک و برقرارلیک نینگ اورنه تیلیشی نینگ بیرته گینه یولی نینگ خلق ارا حقوق و بیرلشگن ملت لر تشکیلاتی قرار لری دایره سیده, عادلانه و کینگ کولملی بیر یول دن عبارت ایکن لیگی معلوم قیلیندی.

خوددی شوو پیام نینگ دوامیده, "منطقه نینگ تشقری سیده گی اکتور لرنینگ باسیمی بیلن, کیچیک منفعت لر دایره سیده مسئولیت سیز بیر شکلده حق لر دن واز کیچیش بیلن اوشبو حقیقت نی یوق قیلیش ممکن ایمس" دییه قید ایتیلدی.



علاقه لی ینگی لیکلر