تورکیه ملی مدافعه وزیری بیلن قومندانلر پنجه – قاپلان عملیاتینی یقیندن تیکشیریب چیقدیلر

تورکیه جمهوریتی مدافعه وزیری خلوصی آقر، تورکیه قوراللی کوچلری تامانیدن عراق نینگ شمالیده آلیب باریلگن پنجه – قاپلان عملیاتی نینگ باشیدن بیری 700 دن آرتیق هدف نینگ اوریب یوق قیلینگن لیگینی بیلدیردی.

آقر و تورکیه قوراللی کوچلر قومنده قومندانلری، پنجه – قاپلان عملیاتینی کیچه ایرته گچه چیگره منطقه سیده گی عملیات منطقه سیدن باشقریب توردی. توناون ایسه عملیات آلیب باریله یاتگن منطقه نینگ اینگ یقینیده جایلشگن سیاه قایا قرارگاهی گه باریب عملیات منطقه سینی یقیندن کوزه تدیلر.

آقر و همراهیده گی قوراللی کوچلر باش قومندانی جنرال یشر گولر، ییر کوچلری قومندانی جنرال امید دوندار، هوا کوچلر قومندانی جنرال حسن کوچوک آقیوز، دینگیز کوچلری قومندانی عدنان اوزبال بیلن ایککینچی اردو قومندانی جنرال سینان یایله منطقه گه باریب کوزه توو عملگه آشیردیلر.

کیچه لب ایرتگچه ساحه ده گی وضعیتنی تیکشیریب چیققن آقر، پنجه – قاپلان عملیاتینی ریجه لنگن شکلده یوتوقلی دوام ایتیب تورگن لیگی گه دقت قره تدی.

"حلی گچه تروریستلرنینگ سوم  و غارلریگه باریب کیریلدی. بو سوم و غارلری باشلریگه ایقیب تشلندی حلی هم دوام ایتماقده. عملیات نینگ باشیدن بیری 150 اطرافیده مغاره قولگه کیریتیلدی. بو پستلر تامانیدن اورنه تیلگن قریب 160 ته ماین و منفجره مواد یوق قیلیندی. انچه مهمات و قورال قولگه کیریتیلدی. حلی گچه ییر و هوا کوچلریمیزنینگ هجوملری عاقبتیده 700 دن آرتیق هدف اوریب یوق قیلیندی" دیب افاده ایتدی.