اسلام همکارلیک تشکیلاتی فلسطین موضوعی بوییچه ییغیلیش اوتکزه دی

فلسطین اداره سی و اسلام همکارلیک تشکیلاتی اسرائیل نینگ غربی ساحل نی الحاق قیلیب آلیش پلانینی کوریشیش اوچون فوق العاده جلسه اوتکزیش توغریسیده کیلیشیب آلدی.

فلسطین تشقی ایشلر وزیرلیگیدن بیریلگن یازمه بیاناتده ایتیلیشیچه، تشقی ایشلر وزیری ریاض المالیکی بیلن اسلام همکارلیک تشکیلاتی باش منشیسی یوسف بن احمد الاُسیمین اورته سیده تیلفون آرقه لی اوچره شوو بولیب اوتگن.

بو اوچره شووده اسلام همکارلیک تشکیلاتی نینگ اسرائیل نینگ "الحاق پلانی" قولگه آلینه دیگن وزیرلر سویه سیده فوق العاده بیر جلسه اوتکزیشی بوییچه کیلیشیب آلگنلر.

اسرائیل باش وزیری بنیامین نتنیاهو، 17 می کونی مجلسده قیلگن صحبتیده غربی ساحل ده گی قانونسیز یهودی مسکونی منطقه نینگ "الحاق" قیلیب آلیش وقتی ییتیب کیلگنینی ایتگندی.