بشارالاسد کوچلری نینگ هجوملری عاقبتیده اون مینگلب کیشی بدرغه بولیب چیقدی

سوریه ده بشارالاسد کوچلری بیلن حمایه گرلری تامانیدن ادلب بحراننی کمه یتیریش منطقه سیگه قره ته آلیب باریلگن هجوملر عاقبتیده 4 کون دوامیده 90 مینگ کیشی تینچ اهالی بدرغه بولیب تورکیه نینگ چیگره سیگه کوچ قیلیب کیلدی. بدرغه بولگنلرنینگ کوپراغی تورکیه چیگره سیده گی کمپلرگه کیلرکن، بیر قسمی ایسه تورکیه تامانیدن ترورچیلردن تمیزلنگن فرات قالقانی و زیتون یاله سی عملیاتی منطقه سیگه کیلیب پناه کیلتیرگن.

ادلب نینگ جنوبی و جنوب – شرقی بیلن حلب نینگ غرب و جنوبی چیکه منطقه لریده گی مسکونی لریدن 2019 – ییل جنوری آییدن بیری تورکیه چیگره سیگه کوچ قیلیب کیلگنلر سانی 1 میلیون 767 مینگ گه ییتگن.

2018 – ییل 17 دسامبرده بولیب اوتگن سوچی کیلیشوویدن بوگونگچه بشارالاسد کوچلری و حمایه گرلری تامانیدن ادلبد گه قره ته اویوشتیریلگن هجوملر عاقبتیده 1800 دن آرتیق کیشی جان بیردی.