اردوغان امریکا نینگ پلانی گه قتتیق عکس العمل کورستدی

اردوغان بیت المقدس دن واز کیچیش لری نینگ ممکن ایمس لیگی نی بیلدیردی

1350645
اردوغان امریکا نینگ پلانی گه قتتیق عکس العمل کورستدی

تورکیه جمهوریتی جمهوررئیسی رجب طیب اردوغان, امریکا قوشمه ایالت لری نینگ فلسطین نی بولیش پلانی گه قتتیق عکس العمل کورستدی. 

اردوغان, توناون انادولو مطبوعات اویوشمه سی تامانیدن ترتیب لنگن انادولو میدیا ساورین لری مراسمی ده قیلگن معروضه سیده, "عصر نینگ کیلیشووی دیدی لر.  قیسی کیلیشوو, بیر اشغال پروژه سی دن عبارت" دییه قید ایتدی. 

بیت المقدس نینگ ساتیلیشی نینگ ممکن ایمس لیگی نی بیلدیرگن اردوغان, اوز سوز لری نی, "بیت المقدس دن واز کیچیشی میز ممکن ایمس.  او ییرده, یوزلب و مینگلب فلسطین لیک قرداش لری میز نینگ اولسه هم اوشبو دعوا دن واز کیچیشی نینگ ممکن ایمس لیگی گه ایشانه من.  بیز هم بونگه تیار میز" شکلیده دوام ایتتیردی. 

تورکیه نینگ اوشبو خصوصده گی سیاست لری نینگ توغری بیر شکلده توشینتیریلیب بیریلیشی اوچون نادولت تشکیلات لرنینگ همکارلیک لری نی کوتیاتگن لیک لری نی بیلدیرگن اردوغان, "یلغان خبر لر بیلن تورکیه نی یمانلش اوچون جدی فعالیت آلیب باریاتگن بیر میکانیزم موجود.  اوشبو میکانیزم نینگ ایچیده ارمنی لوبی سی, یونان لوبی سی, ترور تشکیلاتی پی کا کا, داعش و فتو هم موجود.  چیت ایللرده, ژورنالست لرنینگ ژورنالست لرگه, سرمایه دار لرنینگ سرمایه دارلر گه, عالم لرنینگ عالم لر گه, اوقووچی لر نینگ اوقووچی لرگه توشینتیریب بیریشی تقدیرده, قیسقه بیر مدت مابینیده تورکیه بیلن علاقه لی اوشبو منفی وضعیت نینگ اوزگره دیگن لیگی گه ایشانماقده من" دییه قید ایتدی. 

اردوغان, تورکیه نی 2023 – ییلی هدف لری گه نایل قیلیش اوچون اوزلوکسیز ایشلیاتگن لیک لری نی بیلدیردی. 

فقط گینه ملت گه حساب بیره دیگن لیک لری نی بیلدیرگن اردوغان, اوشبو دایره ده کیم نینگ نیمه دیگنی ایمس, بلکه ملت نینگ قیسی یول نی کورسه تیب بیرگن لیگی گه قره یاتگن لیک لری نی اورغوله دی. 



علاقه لی ینگی لیکلر