عراق جمهوررئیسی برهم صالح ایران نی قاره له دی

صالح منطقه ده گی ینگیلیک لر نی قیغو بیلن کوزه تیاتگن لیک لری نی بیلدیردی

عراق جمهوررئیسی برهم صالح ایران نی قاره له دی

عراق جمهوررئیسی برهم صالح, ایران نینگ عراق ده جایلشگن امریکا قوشمه ایالت لری نینگ حربی مرکز لری گه راکت آتگن لیگی نی قاره لر ایکن, جنجالی بولگن تامان لر نینگ اولکه سی نی اوروش میدانی گه ایلنتیریش لری نی خواهله مه گن لیگی نی بیلدیردی. 

صالح اوشبو خصوصده بیرگن یازمه بیاناتیده, "منطقه ده گی ینگیلیکلر نی قیغو بیلن کوزه تماقده میز" دییه قید ایتدی. 

برهم صالح, ایران نینگ اوشبو حمله لری نینگ عراق حاکمیتی نینگ نقضی دن عبارت ایکن لیگی نی بیلدیردی. 

صالح, "ائتلاف کوچ لری نینگ عراق ده گی موجودیتی, عراق نینگ ایچکی مسئله سی دن عبارت.  اوشبو خصوصده عراق حکومتی و پارلمانی باش قاتیره دی.  تامان لرنی, یخشی نیتلی بولیش و مذاکره گه چیقره میز.  اولکه ده, منطقه نینگ امنیتی و برقرارلیگی نی تهدید ایته دیگن بیر اوروش باشله تیش دن واز کیچیش گه دعوت ایته میز" دییه قید ایتدی. 

عراق تورکمن جبهه سی هم, عراق نینگ, امریکا قوشمه ایالت لری و ایران نینگ اوروش میدانی گه ایله نیشی دن اینگ کوپ تورکمن لرنینگ تاثیرله نه دیگن لیگی نی بیلدیردی. 

ایران انقلاب محافظ لری اردوسی, امریکا قوشمه ایالتلری نینگ عراقده گی عین الاسد هوا قونلغه سی گه اونلب بالستیک راکت آتگن لیگی و خوددی شوو حادثه نینگ کمیده 80 امریکا لیک حربی نینگ اولیمی گه سبب بولگن لیگی نی معلوم قیلگن ایدی. 

امریکا قوشمه ایالتلری مدافعه وزیرلیگی (پنتاگون) هم, ایران نینگ امریکالیک حربی لرنینگ جایلشتیریلگن عراق نینگ الانبار شهری ده گی عین الاسد بیلن اربیل ده گی حربی مرکز لری گه 12 دن آرتیق بالستیک راکت آتگن لیگی نی بیلدیرگن ایدی.



علاقه لی ینگی لیکلر