تورک - روس حربیلری ینه سوریه ده مشترک گزمه عملگه آشیردی

گزمه 3 ساعت 45 دقیقه دوام ایتدی.

تورک - روس حربیلری ینه سوریه ده مشترک گزمه عملگه آشیردی

سوچی کیلیشووی دایره سیده تورک و روس عسکرلری تامانیدن سوریه ده فرات دریاسی نینگ شرقیده عملگه آشیریلگن اوچینچی مشترک گزمه اداغگه ییتدی.

تورک قوراللی کوچلری و روس کوچلری قطاری سوریه ده امنیت تامین ایتیش اوچون آلیب بارگن گزمه قطار انسانسیز هوا واسطه لری İHA همراهلیگی بیلن بولیب اوتدی.

تورکیه نینگ شیرناق ولایتی ایدیل تومنی نینگ اله قمیش عسکری مرکزیدن 4 عراده زره واسطه دن عبارت تورک قوراللی کوچلری نینگ قطاری، مشترک گزمه گه قتنه شیش اوچون چیگره نی اوتیب روس عسکری قطاریگه قوشیلدی.

تورک قوراللی کوچلری - روس کوچلری قطاری قمیشلی - دیریک اورته سیده گی منطقه ده گزمه قیلدی. گزمه قیلووچی قطار بیر مدت تیکشیروو عملگه آشیرر ایکن گزمه 3 ساعت 45 دقیقه دوام ایتدی.

شونده ی قیلیب تورکیه قوراللی کوچلری قمیشلی نینگ شرقی گه ایلک مرته اوتگن بولدی.

چیگره ده گی بو گزمه نینگ آرتیدن تورکیه قوراللی کوچلری قطاری قرارگاه گه قیتیب کیلدی.

سوریه نینگ چیگره سیده جایلشگن ایدیل تومنی نینگ اله قمیش قشلاغی منطقه سی بوندن آلدین بولووچی ترور تشکیلاتی پی کاکانینگ تروریست جنگریلری نینگ تورکیه گه اوتیش تشبث لری بیلن مطرح بولگن ایدی.

سوچی کیلیشووی چوکاتیده تورک – روس دستلبکی ییر گزمه سی 1 نوامبر جمعه کونی راس العین نینگ 40 کیلومتر شرقی بیلن قمشلی نینگ 30 کیلومتر غربی اورته سیده منطقه ده اجرا ایتیلگندی.  ایککینچی گزمه 5 – نوامبرده عین العرب نینگ شرقی بیلن تل ابیض نینگ غربی اورته سیده گی منطقه گه آلیب باریلگن ایدی.

 



علاقه لی ینگی لیکلر