سوریه ده بشارالاسد تیزیمی تامانیدن مسکونی منطقه لرگه هجوم اویوشتیریلماقده

سوریه ده بشارالاسد تیزیمی تامانیدن ادلب بحراننی کمه یتیریش منطقه سیده جایلشگن بیر بازار جایگه توپ اورشلری عاقبتیده 7 کیشی تینچ اهالی اولدی کوپلب کیشی یره لندی.

بشارالاسد تیزیمی ادلب بحراننی کمه یتیریش منطقه سیده جایلشگن قشلاق و قصبه لرگه توپ، راکت و هاوان آرقه لی هجوم اویوشتیریب اوردی.

ادلب عاموی مدافعه مسؤللریدن آلینگن معلوماتگه کوره، بشارالاسد تیزیمی ادلب نینگ جنوب – غربیده جسرالشغور تومنیده گی بیر بازارجایده اویوشتیرگن هجوم عاقبتیده 7 کیشی تینچ اهالی اولگن کوپلب کیشی یره لنگن.

باشقه تاماندن عسکری مخالفلرنینگ تعقیب و تیکشیروو دفتری خبر بیریشیچه، روس حربی اوچاقلری ادل و لاذقیه نینگ بیر قطار قشلاق و قصبه لریگه هجوم اویوشتیرگن.

تورکیه بیلن روسیه اورته سیده 2018 – ییلی 17 اکتوبرده قول قوییلگن کیلیشوودن بوگونگچه ادلب بحراننی کمه یتیریش منطقه سیده بشارالاسد تیزیمی و روسیه نینگ هجوملری عاقبتیده 1 مینگ 300 دن آرتیق کیشی تینچ اهلی اولگن.

هجوملر عاقبتیده تینچلیک حاکم بولگن و اینیقسه تورکیه چیگره سیگه بدرغه بولیب کیلگن تینچ اهالی سانی 1 میلیون 42 مینگ گه ییتدی.