تورکیه ملی مدافعه وزیری سوریه ده گی عملیات بیلن تیگیشلی معلومات بیردی

تروریستلر بیرگن تلفات بیلن تیگیشلی هم معلومات بیردی

1286413
تورکیه ملی مدافعه وزیری سوریه ده گی عملیات بیلن تیگیشلی معلومات بیردی
hulusi akar baris pinari1.jpg

تورکیه قوراللی کوچلری مملکت و منطقه گه تینچ لیک و بردملیک تامین ایتیش اوچون سوریه ده فرات دریاسی نینگ شرقیده آلیب بارگن تینچلیک چشمه سی عملیاتی چوکاتیده تاثیرسیز وضعیت گه کیلتیرگن تروریست سانی 342 گه ییتدی.

ملی مدافعه وزیری خلوصی آقر، 3 – کونگه بارگن عملیات نینگ قومنده مسؤللری بیلن وزیرلیکده کوریشیب بهالندیردی.

عملیات نینگ ریجه لنگن شکلده یوتوقلی بیر شکلده دوام ایتیب تورگنینی معلوم قیلگن آقر جنابلری، "شو وقتگچه 342 ترویست تاثیرسیز وضعیت گه کیلتیریلدی" دیدی.

ملی مدافعه وزیری "باشله گن ایشنی انشالله موفقیتلی روشده اداغگه ییتکیزه میز" دیب ایتدی.

قولگه آلینگن داعش منسوبی تروریستلرنینگ آزاد ایتیلیشی نینگ ممکن ایمس ایکن لیگینی قید ایتدی.

عین دمده عملیات ساحه سیده تورلی چاره – تدبیرنینگ آلینگن لیگینی بیلدیردی.

"آماجیمیز فرات نینگ شرقیده داعش، پی کاکا/وای پی دی-وای پی جی ترور تشکیلاتلری نینگ موجودیتینی اداغگه ییتکیزیش و بو جایده بیر تینچلیک گذرگاهی ایجاد ایتیش دیر. مملکتیمیزده گی سوریه لیک قرینداشلریمیزنینگ اوز توپراقلریگه و اوی – جایلریگه قیتیب باریش فرصتینی یراتیش دیر" دیب گپیردی.

تورکیه نینگ داعش گه قرشی سینه به سینه کوره شگن یگانه ناتو ائتلاف اولکه سی ایکن لیگینی  ایتگن آقر جنابلری، "قهرمان تورک قوراللی کوچلری، فرات قالقانی عملیاتی آرقه لی 3 مینگدن آرتیق داعش منسوبی تروریست نی تاثیرسیز وضعیت گه کیلتیردی. فقط اولکه میز و ملتیمیزنینگ خوفسیزلیگی اوچون ایمس، عیندمده منطقه نینگ یشاوچیلری کُردلر، عربلر، آسوریلر، عسوی لر و یذیدلر کبی ایریم دینی و اتنیک گروپلرنینگ هم خوفسیزلیگی گه اهمیت بیره میز" دیدی.



علاقه لی ینگی لیکلر