اوروپا بیرلیگی اسرائیل نی آگاهلنتیردی

اوشبو خصوصده اوروپا بیرلیگی خوفسیزلیک سیاست لری نماینده سی بیانات بیردی

1271526
اوروپا بیرلیگی اسرائیل نی آگاهلنتیردی

اوروپا بیرلیگی تشقی علاقه لر و خوفسیزلیک سیاست لری عالی نماینده سی نینگ دفتری تامانیدن بیریلگن یازمه بیاناتده, اسرائیل حکومتی نینگ اردُن وادی سیده ناقانونی روشده یهودی تورر جای لرنینگ قوریلیشی نی تصدیق لَگن لیگی گه قرشی عکس العمل کورسه تیلدی. 

"اوروپا بیرلیگی ینه بیر مرته شرقی بیت المقدس داخل اسرائیل نینگ اشغالی آستیده گی فلسطین توپراق لریده گی برچه یهودی تورر جای لرنینگ خلق ارا حقوققه ضد ایکن لیگی نی بیلدیرماقده" دییه قید ایتیلگن بیاناتده, اسرائیل نینگ بونده ی ایش لردن واز کیچیشی کیره ک ایکن لیگی معلوم قیلیندی. 

ینگی یهودی تورر جای لرنینگ قوریلیشی فکری نینگ, اردُن وادی سی نینگ الحاق قیلینیشی نینگ مطرح ایتیلیشی آرتیدن بحث موضوعی بولگن لیگی بیلدیریلگن بیاناتده, "احتمالی بیر الحاق جدی خلق ارا حقوق اخلالی دن عبارت بوله دی.  ایککی دولت لیک ییچیم یولی نی قیین چیلیککه دوچ قیلیب, منطقه نینگ خوفسیزلیگی نی بوزیب قویه دی" دییه قید ایتیلدی. 

بیاناتده, اوروپا بیرلیگی نینگ بیت المقدس داخل 1967 – ییل چیگره لری دن تشقری هیچ قنده ی بیر اوزگریش نی تن آلمیدیگن لیگی بیلدیریلرایکن, "اوروپا بیرلیگی وضعیت نی یقیندن تعقیب ایته دی و احتمالی بیر الحاققه گه قرشی کیره کلی قدم لرنی تشلَیدی. اسرائیل حکومتی داخل ایککی تامان نینگ هم خلق ارا حقوققه اویغون حرکت ایتیشی نی کوتماقده میز" دییه قید ایتیلدی. 



علاقه لی ینگی لیکلر