امریکا نینگ اورته شرق بوییچه خاص نماینده سی استعفا ایتدی

اوشبو مطلب نی دونالد ترامپ بیلدیردی

1264675
امریکا نینگ اورته شرق بوییچه خاص نماینده سی استعفا ایتدی

امریکا قوشمه ایالت لری دولت رهبری دونالد ترامپ, امریکا نینگ اورته شرق بوییچه خاص نماینده سی جیسن گرینبلات نینگ استعفا ایتگن لیگی نی معلوم قیلدی. 

ترامپ, تویتر آرقه لی بیرگن بیاناتیده, "رهبریتیم ده تقریباً اوچ ییل ایشلَشی آرتیدن استعفا ایتگن ایتگن جیسن گرینبلات ایندی خصوصی سکتورده ایشلَیدی" دییه قید ایتدی. 

ترامپ, گرینبلات نینگ صادق بیر دوست و یخشی بیر آقلاوچی ایکن لیگی نی بیلدیردی.  عینی دمده ترامپ, گرینبلات نینگ اسرائیل بیلن فلسطین اورته سیده تینچلیک نینگ تامین ایتیلیشی بوییچه پروسه گه کتته حصه قوشگن لیگی نی معلوم قیلدی. 

متخصص لر, گرینبلات نینگ استعفاسی آرتیدن اورته شرق تینچلیک پلانی توغریسیده آوی برکویتز و امریکا قوشمه ایالتلری نینگ ایران بوییچه خاص نماینده سی برایان هوک نینگ فعال رول اوینیدیگن لیگی نی بیلدیرماقده.

آوی برکویتز نینگ ترامپ نینگ کویاوی جرد کوشنر نینگ مصلحتچی لریدن بیری ایکن لیگی معلوم قیلیندی. 

ترامپ نینگ خلق ارا تینچلیک مذاکره لری بوییچه مسئول نماینده سی بولگن جیسن گرینبلات, عینی دمده امریکا رهبریتی نینگ اسرائیل بیلن بولگن کونده لیک ارتباط لری نی تامین قیلیاتگن بیر کیشی اوله راق بیلینماقده. 

نیویورک ده اوزاق ییللر دوامیده ترامپ نینگ آقلاوچیسی بولیب کیلگن گرینبلات یهودی بیر عایله نینگ فرزندی. 

گرینبلات نینگ عایله سی نینگ اسرائیل بیلن ارتباطی بولگن لیگی بیلینماقده.



علاقه لی ینگی لیکلر