اسرائیل اوروپا اولکه لری تامانیدن قتتیق قاره لندی
اسرائیل شرقی بیت المقدس ده گی فلسطین لیک لرنینگ اوی لرینی ویران قیلماقده
آلمان, فرانسه, انگلستان و اسپانیا اشغال آستیده گی بیت المقدس ده فلسطین لیک لرنینگ اوی لری نی ویران قیلیاتگن لیگی سببلی اسرائیل نی قتتیق قاره له دی.
اوشبو تورت اولکه اسرائیل نی قاره لش اوچون اورتاق بیانات بیردی.
اسپانیا تشقی ایش لر وزیرلیگی تامانیدن بیریلگن یازمه بیاناتده, آلمان, فرانسه, اسپانیا و انگلستان نینگ, شرقی بیت المقدس ده گی وادی الحمص محلله سیده فلسطین لیک لرنینگ اوی لری نی ویران قیلگن لیگی سببلی اسرائیل نی قتتیق قاره له گن لیگی بیلدیریلدی.
اسرائیل رهبریتی نینگ فلسطین لیک لرنینگ اوی لری نی ویران قیلیاتگن لیگی نینگ جدی قیغو بیلن تعقیب ایتیلیاتگن لیگی بیلدیریلگن بیاناتده, "استثنایی وضعیت لردن تشقری, اشغال آستیده گی منطقه لرده بنا لرنینگ ویران قیلینیشی خلق ارا حقوققه و بیرلشگن ملت لر تشکیلاتی خوفسیزلیک کینگشی نینگ قرار لری گه ضد. اوشبو وضعیت فلسطین خلقی نینگ تینچی نی بوزماقده و تینچلیک پروسه سی گه ضرر بیرماقده" دییه قید ایتیلدی.
عینی دمده روسیه هم اسرائیل نی اشغال آستیده گی شرقی بیت المقدس ده فلسطین لیک لرنینگ اوی لری نی ویران قیلیش دن واز کیچیش گه چقیردی.
علاقه لی ینگی لیکلر
عراق و سوریه ده حربی عملیات اویوشتیریلدی
عراق و سوریه ده گی اوشبو عملیاتلرده بیر قطار تروریست جنگری تاثیرسیز وضعیت گه کیلتیریلدی
اسرائیل نینگ هجوملریده اوتیز تورت مینگ دن آرتیق فلسطینلیک حیاتینی یوقاتدی
اوشبو توغریده فلسطین ساغلیق نی سقلش وزیرلیگی تامانیدن بیانات بیریلدی