تورکیه ملی مدافعه وزیری بیلن امریکانینگ سوریه خاص نماینده سی نینگ اوچره شووی بولیب اوتدی

انقره ده اوچره شوو اوتکزدیلر

1240587
تورکیه ملی مدافعه وزیری بیلن امریکانینگ سوریه خاص نماینده سی نینگ اوچره شووی بولیب اوتدی

ملی مدافعه وزیری خلوصی آقر، امریکا قوشمه ایالتلری نینگ سوریه خاص نماینده سی جمیز جفری بیلن سوریه بحرانینی قولگه آلدی.

آقر جفری بیلن اوچره شوویده، امریکالیک بیر قطار ملکی و عسکری یوقاری سویه لی مقاملرنینگ PKK/YPG بولووچی ترور تشکیلاتی نینگ باشقرووچیلری بیلن سوریه ده اوتکزگن اوچره شوولردن راحتسیز بولگن لیکلرینی افاده ایتدی.

ملی مدافعه وزیرلیگیدن بیریلگن بیاناتده، آقرنینگ تورکیه گه تشریف بیورگن امریکانینگ سوریه خاص نماینده سی جمیز جفرینی قبول قیلیب اوچره شگن لیگی بیلدیریلدی.

فرات دریاسی نینگ شرقیده "خوفسیز منطقه" ایجاد ایتیلیشی قاله ویرسه داعش گه قرشی کوره ش عین دمده سوریه ده سونگی پیتلرده یوز بیرگن حادثه لر بیلن تیگیشلی کوریشگن لیگی قید ایتیلدی.

مدافعه وزیری آقر "فرات نینگ شرقیده تورکیه بیلن امریکا قوشمه ایالتلری نینگ بیرگه لیکده خوفسیز منطقه ایجاد ایتیشی، PKK/YPG ترور تشکیلاتی منسوبلری نینگ خوفسیز منطقه دن چیقریلیشی عین دمده منطقه ده گی موضع و جایلرنی یوق قیلینیشی و سقیله قوراللرنینگ ییغیب آلینیشی، بدرغه بولگن سوریه لیکلرنینگ اوی – جایلریگه قیتیب باریشلری اوچون ییترلی شرطلرنینگ تامین ایتیلیشی، تورکیه نینگ کوره شی نینگ کُرد و عرب قرینداشلریمیز و ایریم اتنیک/دینی گروپلرگه قرشی ایمس ایکن لیگی، بونینگ داعش و  PKK/YPG ترور تشکیلاتی گه قرشی ایکن لیگی، امریکالیک بیر قطار ملکی و عسکری یوقاری سویه لی مقاملرنینگ PKK/YPG بولووچی ترور تشکیلاتی نینگ باشقرووچیلری بیلن سوریه ده اوتکزگن اوچره شوولردن راحتسیز بولگن لیکلری افاده ایتیلگن دیر" دیب ایتیلگن.

عین دمده ایککی اولکه نینگ عسکری هیئتلری تامانیدن "خوفسیز منطقه" ایجاد ایتیلیشی بیلن تیگیشلی فعالیتلرنینگ ملی مدافعه وزیرلیگیده دوام ایتیشی توغریسیده کیلیشیب آلینگن لیگی موضوعسی گه اورین بیریلدی.



علاقه لی ینگی لیکلر