قطر فلسطین خلقی گه یوزلب میلیون دالر یاردم ایتدی

قطر امیری شیخ تمیم بن حمد آل ثانی, اشغال قیلینگن غربی نوار بیلن محاصره آستیده گی غزه ده یشیاتگن فلسطین خلقی گه یاردم اوچون 480 میلیون دالر اجره تیلیشی بویروغی نی بیردی. 

قطر تشقی ایش لر وزیرلیگی تامانیدن بیریلگن بیاناتده, فلسطین و قطر خلقی نینگ دینی و فرهنگی جهت دن قرداش ایکن لیگی سببلی اوشبو یاردم نینگ بحث موضوعی بولگن لیگی بیلدیریلدی. 

اوشبو یاردم نینگ 300 میلیون دالرلیک قسمی نینگ فلسطین رهبریتی نینگ معارف و ساغلیق مسئله لری بوییچه استفاده قیلینه دیگن لیگی بیلدیریلگن بیاناتده, بیر قسمی دن ایسه عاجل وضعیت لر اوچون فایده له نیله دیگن لیگی معلوم قیلیندی. 

عینی دمده بیاناتده, موجود وضعیت نظرده توتیلگن حالده خلق ارا جامعه نینگ هم فلسطین خلقی گه یاردم ایتیشی کیره ک ایکن لیگی بیلدیریلدی. 

حماس نینگ سیاسی دفتری نینگ باشلیغی اسماعیل هنیه, بیرگن یازمه بیاناتیده اوشبو یاردم لری سببلی قطر گه منتدارچیلیک بیلدیردی.