افغانستان تینچ لیک اوچره شوولری کیین گه قالدیریلدی

قطر توقنه شوو و بشری فعالیتلر مرکزی اداره چیسی سلطان برکت، تویتر آدرسی آرقه لی معلومات بیردی

1186513
افغانستان تینچ لیک اوچره شوولری کیین گه قالدیریلدی

افغانستان حکومتی بیلن طالبان گروهی اورته سیده قطرده بولیب اوتیشی ریجه لنگن تینچ لیک اوچره شووی نینگ نا معلوم بیر تاریخ گه تعویققه توشگن لیگی بیلدیریلدی.

تینچ لیک اوچره شوولرینی حمایه قیلووچیسی قطر توقنه شوو و بشری فعالیتلر مرکزی اداره چیسی سلطان برکت، تویتر آدرسیدن افغانستان حکومتی بیلن طالبان گروهی اورته سیده قطرده بولیب اوتیشی ریجه لنگن تینچ لیک اوچره شووی نینگ نا معلوم بیر تاریخ گه قالدیریلگن لیگینی بیلدیردی.

برکت، افغانستان جمهور باشلیغی اشرف غنی نینگ مرکز تامانیدن تیارلنگن لیست گه مخالفت قیلگن لیگینی معلوم قیلیب، اوچره شوولرگه کیملرنینگ اشتراک ایتیشی توغریسیده کوپراق فکر بیرلیگی گه ضرورت بولگن لیگینی افاده ایتدی.

بوگون بولیشی ریجه لنگن اوچره شوولر، افغانستانده گی اوریش نینگ مذاکره آرقه لی اداغگه ییتکیزیشی و امریکالیک حربی لرنینگ مملکتدن چیقیشی بوییچه مهم بیر آدیم اوله راق کوریلماقده ایدی.

قطر توقنه شوو و بشری فعالیتلر مرکزی تامانیدن توناون کونی نشر قیلینگن رویخطده 243 کیشی نینگ آتی اورین آلماقده ایدی.

آتی نینگ افشا بولیشینی خواهله مه دگن یوقاری سویه لی بیر کیشی اداره چی، مرکز تامانیدن بیریلگن لیست نینگ افغانستان حکومتی تامانیدن تینچ لیک اوچره شووی اوچجون تیارلنگن 250 کیشی لیک هیئت رویخطی گه کوره متفاوت ایکن لیگینی غنی نینگ لیستیده خایتن – قیزلرگه کوپراق اورین بیریلگن لیگینی ایتدی.

افغانستان حکومتی بیلن طالبان گروهی موضوع بیلن علاقه لی فکر بیلدیرگن ایمس.

امریکا قوشمه ایالتلری نینگ افغانستان خاص نماینده سی زلمی خلیلزاد ایسه تویتر آرقه لی پروسه نینگ تعویققه توشگن لیگی باعث متاثر بولگنینی معلوم قیلیب، همه نی ملاقات و تینچ لیک پروسه سی گه صادق بولیشلرینی خواهله دی.  



علاقه لی ینگی لیکلر