بشارالاسد کوچلری مسکونی منطقه لرگه هجوم اویوشتیرماقده

سوریه ده بشارالاسد کوچلری و ایران نینگ حمایه سیده گی تروریست گروهلر تامانیدن "ادلب بحراننی کمه یتیریش منطقه سی" حدودلری ایچیده گی مسکونی منطقه گه اویوشتیریلگن هجوملرده 2 کیشی تینچ اهالی حیاتینی یوقاتدی، انچه کیشی یره لندی.

بشارالاسد تیزیمی و ایران حمایه سیده گی خارجی تروریست گروهلرنینگ ادلب نینگ خان شیخون و سراکِب تومنلری بیلن بیر قطارده حما ولایتی نینگ لطامین و کَفَر زیتا تومنلریگه توپ فیر قیلگن لیگی بیلدیریلماقده.

ادلب ملی مدافعه موسسه سی باشلیغی حسن حاج یوسف، بشارالاسد کوچلری نینگ ایرته لب وقتی بیلن ادلب و حما ولایتیده گی مسکونی منطقه لرگه هجوم اویوشتیریش گه باشله گن لیگینی ایتدی.  

حاج یوسف جنابلری؛

"بشارالاسد کوچلری نینگ ادلب بحراننی کمه یتیریش منطقه سی" حدودلری ایچیده گی مسکونی منطقه گه اویوشتیریلگن هجوملرده 2 کیشی تینچ اهالی حیاتینی یوقاتدی، انچه کیشی یره لندی" دیدی.

بشارالاسد تامانیدن جاری ییل نینگ باشیدن بیری ادلب بحراننی کمه یتیریش منطقه سیگه اویوشتیریلگن هجوملرده کمیده 94 کیشی اولیب 290 دن ارتیق کیشی یره لندی.

بشارالاسد کوچلری، تورکیه و روسیه اورته سیده ادلبده آتش کیسین نینگ برقرار بولیشی اوچون قول قوییلگن سوچی کیلیشوویگه قره مه ی هجوملرگه دوام ایتماقده.

آستانه کیلیشووی چوکاتیده بشارالاسد تیزیمی نینگ ضامن مملکتی بولمیش روسیه نینگ بشارالاسد کوچلری نینگ هجوملری گه مانع بولیش مسؤلیتی بار.

عسکری مخالف گروپلر ایسه 2018 – ییلی 17 سپتامبرده قول قوییلگن کیلیشووده اورین آلگن منطقه لردن اغیر قوراللرنی 10 اکتوبرده چیقرگن ایدی.