فلسطین دولت رهبری محمود عباس، خلق ارا جمعیتدن قتل عام نی توخته تیشینی سوره دی

فلسطین دولت رهبری محمود عباس، امریکا قوشمه ایالتلری نینگ بیت المقدس ده گی بویوک ایلچی لیگینی "ینگی یهودی مسکونی منطقه" اوله راق اتب، خلق ارا جمعیت گه، اسرائیل تامانیدن غزه ده آلیب باریلگن قتل عام نی توخته تیشینی سوره دی.

فلسطین اداره سی، عباس باشقروویده، اشغال آستیده گی غربی نوارنینگ رحم الله شهریده جایلشگن دولت باشلیغی اوییده جلسه اویوشتیردی.

فلسطین دولت رهبری محمود عباس، اسرائیل عسکرلری تامانیدن 55 کیشی فلسطین لیک تینچ اهالی نینگ شهید ایتیلگن لیگی باعث اولکه ده 3 کون یاس اعلان ایتدی. نیکبه (بویوک فلاکت) نینگ 70- ییل لیگی مناسبتی اوچون ایسه اولکه مقیاسیده ایش تشلش پروسه سی نینگ باشله یشینی سوره دی.

عباس، اسرائیل نینگ محاصره سی آستیده بولگن غزه و غربی نوارده فلسطین خلقینی قتل عام قیلگنینی اورغولب، "سیونیست ترور تشکیلاتلری 1948 – ییلی هم فلسطین خلقینی اوز توپراقلریدن بدرغه قیلیب کوچ قیلیشلریگه مجبور قیلگن ایدی" دیدی.

محمود عباس، امریکا قوشمه ایالتلری نینگ اسرائیل – فلسطین صلح اوچره شوولریده گی واسطه چی لیک اورنینی قولدن بیرگنینی تاکییدلب، تناون کون بیت المقدسده اچیلگن امریکا قوشمه ایالتلری بویوک ایلچی لیگی اوچون "او بیر بویوک ایلچیلیک ایمس دیر. ینگی بیر یهودی مسکونی منطقه دیر. ایسکی پیتلرده اسرائیل نینگ بیزنینگ توپراقلرده مسکونی منطقه قوریشی گه یاردم ایتگن امریکا قوشمه ایالتلری بوگون اوزی کیلیب توپراقلریمیزده یهودی مسکونی منطقه ایجاد ایتدی، دیب ایتدی.   

فلسطین دولت رهبری، اسرائیل نینگ تاریخی حقیقتلرنی انکار ایتیب تاریخی فلسطین توپراقلریده گی حقیقتلرنی یوق قیلیش گه حرکت قیلگنینی معلوم قیلیب، فلسطین لیکلر اوز دولت لرینی قورگونچه مقاومتلریگه دوام ایته جکلرینی اورغوله دی.

عباس، فلسطین نینگ فلسطین لیکلرنینگ اجدادلری نینگ توپراقلری ایکنینی تاکییدلب، خلق ارا جمعیت گه آلیب باریلگن صلح آمیز نمایشلرگه زوروانلیک بیلن مداخله قیلگن اسرائیل گه مانع بولیشی و فلسطین خلقی نینگ محافطه قیلینیشی اوچون چقیریغ قیلدی.