اسرائیل فلسطین لیک اوچ یاشلی باله نی هم اوشله دی

اسرائیل عسکر لری, اشغال آستیده گی غربی نوارده 3 یاشلی فلسطین لیک باله نی معلوم بیر مدت اوشلب توریشدی.

فلسطین لیک بیر مدنی فعال تامانیدن تصویرگه توشیریلیشی نتیجه سیده, الخلیل شهریده, اسرائیل عسکر لری نینگ فلسطین لیک اوچ یاشلی بیر باله نی اوشله گن لیک لری معلوم بولدی. 

انترنت آرقه لی ترقه تیلگن ویدیوده اسرائیل عسکر لری نینگ, "پیچاغی بولگن لیگی" ادعاسی بیلن اوشلب تورگن باله نینگ ییغیله گن لیگی, اکه سی و آته سی نینگ باله نی قوتقریشگه حرکت ایتیاتگن لیگی و عسکر لر نینگ ایسه باله نی اوشلب تورگن لیگی کورینماقده. 

ویدیوده, آته سی و اکه سی نینگ قیین چیلیک بیلن اوشبو باله نی عسکر لرنینگ قولیدن آلیش گه موفق بولگن لیگی کوزگه تشلنماقده. 

یهودی ناقل لر گه مخالف یاشلر جمعیتی دن احمد امر, بیرگن بیاناتلریده, اوشبو باله نینگ قرینداش- اوروغلری نینگ اوییگه باریشی آرتیدن اوز اویی گه قیتیب کیلیاتگن پیتده "قولیده پیچاق بولگن لیگی" ادعاسی بیلن عسکر لر تامانیدن اوشلنگن لیگی نی معلوم قیلدی. 

امر, 3 یاشلی اوشبو باله گه قرشی قیلینگن عدالتسیزلیک نینگ, اسرائیل نینگ الخلیل ده گی فسلطین لیک لر گه قیلیاتگن ظلمی نینگ فقط گینه بیر قسمی نی عکس ایتتیریاتگن لیگی نی بیلدیردی. 

باله نینگ عایله سی الخلیل شهریده گی ابراهیم جامع مسجدی یقینیده یشرایکن, "ایسکی شهر" اسمی بیلن یاد ایتیلیاتگن اوشبو منطقه ده گی  فلسطین لیک لرنینگ تیز-تیز اسرائیل عسکر لری ظلمی گه دوچ کیلیب قالگن لیک لری نی معلوم قیلدی. 

اسرائیل اردوسی کنترولی آستیده گی ایسکی شهر ده یشیاتگن 400 یهودی ناقل, قریب بیر مینگ 500 عسکر تامانیدن قورینماقده.