تورکیه عراقلیک تورکمنلرگه قره ته اویوشتیریلگن هجومنی قاره له دی
نوروز بیره می کونی داعش لیک ترورچیلر تامانیدن هجوم اویوشتیریلگن ایدی.
تورکیه، نوروز بیره مینی نشانلش اوچون عراق نینگ پایتختی بغداددن اربیل گه کیته یاتگن عراقلیک تورکمن گروهی گه قره ته ترور تشکیلاتی داعش جنگریلری تامانیدن هجوم اویوشتیریلشینی قتتیق بیر شکلده قاره له دی.
تنشقی ایشلر وزیرلیگیدن بیریلگن یازمه بیاناتده، اولگن و یره لنگنلر آره سیده خاتین – قیز و باله لرنینگ هم موجود ایکن لیگی بیلدیریلگن.
مذکور بیاناتده، "عرقداشلریمیزگه قره ته اویوشتیریلگن بو منفور ترورچیلیک هجومینی قتتیق بیر شکلده محکوم ایته میز. حیاتینی قولدن بیرگنلرنی الله تعلی مغفرت قیلسین. یره دارلرگه عاجل شفا بیرسین" دیب ایتیلگن.
سونگی پیتلرده عراق لیک تورکمنلرنینگ ترورچیلیک هجوملرده دوچ کیلگنی گه اشاره قیلیب؛
"عراقلیک تورکمنلر دوچ کیلیب قالگن خوفسیزلیک خطرلری نینگ برطرف ایتیلیشی مقصدی بیلن عراق مقاملری تامانیدن چاره – تدبیرلرنی تیزلیکده آلینیشینی کوتماقده میز" دیب ایتیلگن.
علاقه لی ینگی لیکلر
غزه نواریده حیاتینی یوقاتگن فلسطینلیک سانی 32 مینگ 490 گه ییتدی
اسرائیل نینگ غزه نواریگه هجوملری 173 کوندن بیری دوام ایتماقده
اسرائیل اردوسی تامانیدن تینچ اهالی گه قره ته اویوشتیریلگن هجوملر عاقبتیده اونلب کیشی جان بیردی
اسرائیل اردوسی غزه نواری دن بدرغه بولگن فلسطین لیکلر قالگن چادرنی بمباردمان قیلدی