فلسطین لیک باله نی قویب یوبارینگ. اورنیگه مینی اوشلنگ

گولدن سونمز آتلیق بیر آقلاوچی اسرائیل خوفسیزلیک کوچ لری تامانیدن نظارت آستی گه آلینگن فلسطین لیک قیز باله نینگ قویب یوباریلیشی اوچون جوده قیزیق بیر یول نی مطرح قیلدی.  

آقلاوچی, اسرائیل سفارتیگه یازگن مکتوبیده اوشبو قیز باله نی قویب یوباریش لری تقدیرده اونینگ اورنیگه قماققه گه کیریش گه تیار ایکن لیگی نی بیلدیردی.  

آقلاوچی گولدن سونمز نینگ مکتوبی ایسه قوییده گیچه: 

اسرائیل سفارتی گه مکتوب

عهد تمیمی بیر باله, اونی قویب یوبارینگ مینی اوشلنگ

فلسطین لیک قیز باله عهد تمیمی میلادی 2017 نچی ییلی دسامبر آیی نینگ 18 نچی کونیده اسرائیل خوفسیزلیک کوچلری تامانیدن اویلریده آنه سی بیلن بیرگه نظارت آستیگه آلیندی. نظارت آستیگه آلینگن کوندن بیری بیر نیچه مراتبه اسرائیل عسکری محکمه سیگه آلیب باریلدی.  عهد تمیمی بیر باله و ملکی دیر.  دنیا ده مثالی کورینمه گن بیر شکلده عسکری محکمه ده محاکمه قیلینماقده.  دنیا نینگ هر تامانیده عهد تمیمی و باشقه فلسطین لیک باله لرنینگ قویب یوباریلیشی اوچون انسان حق لری تشکیلات لری و موسسه لری صفتیده بیر نیچه مراتبه تشبث قیلدیک. بیراق قویب یوباریلمه دی.  و بوگون 8 آیلیک بیر مدت بیلن آزاد لیک دن محروم ایتیلدی.  باله بولیشی گه قره مسدن عهد تمیمی محکمه گه ایاق لری و قوللری کیشن لنگن حالده کیلتیریلدی.  محکمه لرده کورینگن اوشبو وضعیت قماقخانه ده قنده ی بیر وضعیت گه دوچ کیلیب قالگن لیگی نی کورستماقده. 

باله لر نی تینچ و ایرکین قوینگ.  اوروش لر اوچون باله لر دن استفاده ایتمنگ.  برچه دین لر و آیدیولوژی لرده اوروش نینگ بیر حقوقی و اخلاقی بار.  برچه دین لر گه کوره, اوروش پیتیده باله لر نینگ دخلسیزلیگی بار.  کیچیک باله لرنی قمب بشریت گه قرشی مجرم بولماقده سیز. 

انیق روشده ایته من. عهد نی قویب یوبارینگ. اونینگ اورنیگه مینی اوشلنگ

مین اسرائیل نینگ اشغالچی ایکن لیگی گه ایشانیاتگن فلسطین لیک لرنینگ ایرکین لیگی نی ایستیاتگن, ماوی مرمره کیمه سیده بولگن, اسرائیل نینگ حقوققه ضد حرکت لری گه قرشی آلیب باریلگن برچه نادولت تشکیلات لری فعالیت لری گه اشتراک ایتگن و شعار بیرگن, همده اسرائیل تامانیدن "ترورچی" اعلان ایتیلگن انسان حق لری نی مدافعه ایتووچی بیر کیشی من.  مین سیزلرنینگ انسان حق لرینی مدافعه ایتیاتگن کیشی لرنی یخشی کورمه گن لیک لرینگیز نی و اولرنی "ترورچی" دیب قبول قیلیاتگن لیک لرینگیز نی بیله من.  ترورچی اسمی مینگه یره شمیدی.  اوزلوکسیز روشده انسان لرنینگ حقلرینی مدافعه ایتیش گه حرکت ایتیب کیلدیم.  بیراق, سیزنینگ سوزده حقوقینگیز مینی ترورچی اوله راق قبول قیلماقده.  شوباعث, سیز نینگ جهتینگیزدن عهد اورنیگه مینی اوشله سنگیز یخشی بوله دی. 

فلسطین لیک باله لر بیلن بیر قطارده سیاسی سببلر بیلن اوشلنگن یهودی باله لرنینگ (بار بولیشی تقدیرده) هم زود لیک بیلن قویب یوباریلیشی نی طلب ایتماقده.  عهد نی قویب یوباریشینگیز تقدیرده مین سیز گه تسلیم بولیش گه تیارمن.  او بیر باله.  کیچیک باله لرنینگ کوچ سیزلیگی دن فایده له نیب اوز هدف لرینگیز گه نایل بولیش گه حرکت ایتمنگ.  دنیا ده گی برچه انسان لر سیز نینگ عمل لرینگیز دن اویَلماقده و سیز گه لعنت دیماقده.  اوشبو وضعیت نینگ تینچینگیز نی بوزیشی کیره ک ایکن لیگی گه ایشانماقده من. 

طلبیم نی قبول قیلیشینگیز تقدیرده, مین بیلن ارتباط قوریشینگیز ممکن. 

21.03.2018

آقلاوچی گولدن سونمَز