ناتو، ترور تشکیلاتی داعش گه قرشی ائتلاف گه قوشیله دی

28 ناتو اعضاسی، شمالی آتلانتیک اتفاقی نینگ ترور تشکیلاتی داعش گه قرشی ائتلاف گه اورین آلیشی توغریسیده کیلیشدی.

اوشبو قرارنینگ بلجیم نینگ پایتختی بروکسل ده بوگون بولیب اوته دیگن ناتو رهبرلر جلسه سیده اعلان قیلینیشی کوتیلماقده.

انگلستان نینگ منچستر شهریده آلدینگی کون ترور تشکیلاتی داعش تامانیدن اویوشتیریلگن و 22 کیشی جان بیرگن هجوم دن کیین آلینه دیگن بو قرار بیلن ناتو نینگ ترور تهدیدی گه قره ته حساس ایکن لیگی پیامی بیریلرلیگی ایتیلماقده.

ناتونینگ ائتلاف گه قوشیلیشی بیلن ترور تشکیلاتی داعش گه قره ته کوره ش نینگ کوپراق بولیشی کوتیلماقده.

ناتو، استخبارات و تربیه لاوچی ساحه سیده حصه قوشه دی. افغانستان ده القاعده و طالبانگه قره ته باشقرووچیلیک قیلگن ناتونینگ ساحه تجربه سینی عملی قیلرلیگی و تجهیزات همکارلیگی قیلرلیگی معلوم قیلینماقده.

ناتو عمومی منشیسی جنز استولتنبرگ تناون کون بیرگن بیاناتیده، اتفاق نینگ ائتلاف گه قوشیلگنده حربی رول آلمس لیگینی اورغوله گن ایدی.

امریکا قوشمه ایالتلری نینگ باشقروویده گی "داعش گه قرشی ائتلاف" 2014 – ییلی قوریلدی. ترکیه هم داخل 68 اولکه بولگن ائتلاف، سوریه و عراق نینگ شمالیده ترور تشکیلاتلریگه قره ته کوره ش عملیاتلریگه یاردم بیرماقده. ناتو اعضاسی 28 اولکه، بو ائتلاف گه اورین آلماقده.