سوریه ده ینه انتحاری هجوم عاقبتیده اونلب کیشی جان بیردی

سوریه ده الباب نینگ شمالیده گی سوسیان قشلاغیده منفجره مواد یوکلنگن بیر عراده موتر بیلن اویوشتیریلگن انتحاری هجوم عاقبتیده 47 کیشی جان بیردی. 

ترور تشکیلاتی داعش تامانیدن اویوشتیریلگن اوشبو هجوم عاقبتیده 60 دن آرتیغراق کیشی یره لندی. 

اصلی گه قره گنده داعش نینگ هدفی ایرکین سوریه اردوسی نینگ قرارگاهیدن عبارت ایدی. 

بیراق, هدفی گه ییتیشه آلمه گچ, داعش تروریستی موتر نی ملکی لرنینگ آره سیده پارتله تیب یوباردی.

آژانس فرانس پریس ایسه, جان بیرگن کیشی لرنینگ کوپچیلیگی نینگ سوریه رژیمی مخالف لریدن عبارت ایکن لیک لری نی معلوم قیلدی. 

یره لنگن کیشی لر ترکیه نینگ غازی انتیب و کیلیس ولایت لریده گی کسلخانه لر گه انتقال ایتتیریلرایکن, حادثه محللیده کینگ کولملی امنیتی تدبیر لر آلیندی. 

ترکیه قوراللی کوچلری تامانیدن حمایه له نیتگن ایرکین سوریه اردوسی, الباب اولسواللیگی نی توناون قولگه کیریترایکن, تروریست لر تامانیدن آلدیندن جایلشتریلگن ماین لر نی تازه لب باشله گن ایدی.