مراکشده بولیب اوتگن سیلاو حقیده بیر تحلیل

مراکشده میلادی ۲۰۱۶ نچی ییلی اکتوبر آیی نینگ ۷ نچی کونیده عمومی سیلاو لر بولیب اوتدی.  اقتدار ده گی ائتلاف نینگ اینگ کتته شریکی دن عبارت بولگن عدالت و توسعه حزبی رای میزانی نی آرتریب اوشبو سیلاو لر نتیجه سیده بیرینچی حزب بولیب چیقدی.  شونده ی قیلیب اوشبو حزب پارلمان ده گی کرسی لری سانی ۱۲۵ گه آرتیریش گه موفق بولدی.  عدالت و توسعه حزبی مسلمان و دموکرات بیر حزب دن عبارت.  ائتلاف نینگ قالگن اوچ شریکی نینگ ایسه پارلمان ده گی کرسی لری سانی توشیب کیتدی.  اوشبو سیلاو لر نسبتاً دموکراتیک بیر شکلده بولیب اوتدی.  بیراق, سیلاو گه اشتراک میزانی نینگ آلدینگی سیلاو لر بیلن سالشتیریلگنده ۲ پاینت توشیب کیتیب ۴۳ فایز بولیب قالگن لیگی کورینماقده. 

اوشبو سیلاو لر ده ایککینچی حزب بولیب چیقگن اصالت و چاغداش لیک حزبی هم رای میزانی نی انچه آرتیریب یوباردی.  شونده ی قیلیب اوشبو حزب ۴۳ بولگن پارلمان ده گی کرسی لری سانی نی ۱۰۲ گه آرتیریش گه موفق بولدی.  اوتمیشده پادشاه گه مشاورلیک قیلگن اوشبو حزب نینگ رهبری الیاس العمری عینی دمده اونینگ باله لیک دوستی ایدی.  اوشبو حزب نینگ قصر نینگ حزبی اوله راق بهالنتریلیتگن لیگی کورینماقده.  خودی منه شوو حزب نینگ سیلاو ستراتیژی سی فقط گینه عدالت و توسعه حزبی گه مخالفت گه تینگن ایدی خلاص.  اساسی هدفی ایسه عدالت و توسعه حزبی نی مرکز دن اوزاق لشتیریش و سیکیولاریزم نی حاکم قیلیش دن عبارت ایدی. 

سیلاو نتیجه سی نینگ بهالنتریلیشی اوچون اهمیت بیریلیشی کیره ک بولگن ایلک نیرسه اوشبو سیلاو لر گه اشتراک میزانی نینگ انچه پس ایکن لیگی دن عبارت.  عینی دمده قریب ۵ میلیون کیشی رای بیریش اوچون راجستر قیلمه گن.  شونده ی قیلیب رای بیریش حقی گه ایگه کیشی لرنینگ فقط گینه اوچ دن بیر قسمی نینگ رای بیرگن لیگی کورینماقده. 

خودی منه شوو وضعیت نینگ اوزی مراکشده سیاسی حزب لرنینگ انسان لرنی سیاست پروسه سی گه جلب ایتیش بوییچه موفقیت سیز ایکن لیک لری نی کورستماقده.  عینی دمده اوشبو وضعیت خلق نینگ بویوک بیر قسمی نینگ سیاستچی لر گه ایشانمیتگن لیک لری نی هم انعکاس ایتتیرماقده.  شونده ی قیلیب خلق نینگ بویوک بیر قسمی حیات لری جهتی دن سیلاو لرنینگ هیچ قنده ی بیر اهمیتی نینگ موجود ایمس لیگی نی اویله ماقده. 

عینی دمده اوشبو سیلاو نتیجه لری عرب بهاری نینگ ایلک کون لریده گی امید لرنینگ قیسقه بیر مدت بیلن دوام ایتگن لیگی نی کورستماقده.  میلادی ۲۰۱۱ نچی ییلیده عرب بهاری حرکت لری جریانیده مراکش ده هم ناراضی چیلیک نمایش لری بولرایکن, پادشاه ایسه ریفورم وعده قیلیب اوشبو حرکت لرنی توخته تیش گه موفق بولگن ایدی.  کیین چه لیک ایسه اساسی قانون گه کریتیلگن ایریم اوزگریش لر بیلن پادشاه بعضی صلاحیت لری نی پارلمان گه تاپشیردی.  عینی دمده هر قنده ی بیر پارلمان اعضاسی گه حکومت نی قوریش وظیفه سی  نی تاپشیریش اورنی گه سیلاو لر نتیجه سیده بیرینچی بولیب چیقه دیگن سیاسی حزب نینگ رهبری گه اوشبو وظیفه نی تاپشیریش نی هم قبول قیلدی.  بوندن تشقری پارلمان نینگ فعالیت لری نینگ توخته تیلیب قویلیشی صلاحیتی هم باش وزیر گه تاپشیریلدی.  بیراق, اوشبو اوزگریش لر پادشاه نینگ اولکه ده بیرته گینه حاکم کیشی دن عبارت ایکن لیگی فکری نی یوق ایتیب قویمه دی البته که.  اصلی گه قره گنده پارلمانده قبول قیلینگن قرار لرنینگ پادشاه نینگ قرار لری دن عبارت ایکن لیگی فکری دوام ایتدی.  خلق نینگ بویوک بیر قسمی پارلمان نینگ فقط گینه سیاسی حزب لر نینگ ایریم موضوع لر خصوصیده بحث ایتیتگن بیر جای دن عبارت ایکن لیگی نی اویله دی خلاص.

ائتلاف نینگ کیچیک شریک لری نینگ رای میزانی توشیب کیترایکن, عدالت و توسعه حزبی قنده ی قیلیب اوز رای میزانی نی آرتریب یوباریش گه موفق بولدی؟

میلادی ۲۰۱۱ نچی و ۲۰۱۶ نچی ییل لری آره سیده عبد الاله بنکیران نینگ باش وزیر بولگن عدالت و توسعه حزبی نینگ رهبرلیگیده ایککی حزب نینگ اشتراکی بیلن ائتلافی بیر حکومت قوریلدی.  اوشبو حکومت لر وعده لری گه وفا قیلیش بوییچه اونچه لیک هم موفق بوله آلمه دیلر.  ۷ فایز بولیشی کوتیلگن اقتصادی رواجله نیش میزانی, ۲ فایز دن هم پس بولیب قالدی.  عدالت و توسعه حزبی حکومت لری دولت ده گی ایریم مصرف لر نی کمیتیریش گه مجبور بولدی.  ایش سیز لیک و اداری فساد معما لری دوام ایتدی.  بیراق, عدالت و توسعه حزبی رای میزانی نی آرتیررایکن, باشقه کیچیک ائتلاف شریک لری نینگ ایسه رای میزانی نینگ توشیب کیتیشی نی ایسه حکومت نینگ موفقیت سیزلیگی بیلن ارتباط بیریش بیر آزگینه قیین بیر ایش. 

رای میزانی نی آرتیرگن ایککی حزب دن تشقری رای میزانی توشیب کیتگن یاکه امید ایتگن موفقیت نی قول گه کریته آلمه گن حزب لر نی ایککی گروپ ده مطاله ایتیش ممکن.  مراکش سیاستیده چپ گرا حزب لرنینگ همه سی نینگ رای میزانی نینگ توشیب کیتگن لیگی کورینماقده.  اوشبو سیلاو لر دن آلدین اوچ چپ گرا سیاسی حزب نینگ بیرله شیب قورگن ینگی دموکراتیک چپ فدراسیونی حزبی هم فقط گینه پارلمان ده اوچ کرسی ایگه سی بوله آلدی خلاص. 

ایککینچی کتگوریده ایسه اوزاق ییل لردن بیری مراکش ده سیاست قیلیتگن پادشاه نینگ حمایه سیده بولگن سیاسی حزب لر موجود.  اوشبو سیاسی حزب لرنینگ رای میزانی نینگ توشیب کیتگن لیگی نی اساساً ایککی موضوع بیلن ارتباط بیریش ممکن: بیرینچی سی ایسکی سیاسی سیما لر اوشبو حزب لرنینگ ایشانرلیگی نی ییتیریب قویگن. 

ایککینچی فکتور ایسه ایندی پادشاه نینگ اصالت و چاغداش لیک حزبی نی حمایه لب باشله گن لیگی دن عبارت.  شوباعث پادشاه گه صداقت رای لری نینگ بویوک بیر قسمی اصالت و چاغداش لیک حزبی گه نصیب بولگن وضعیتده.  عینی دمده اصالت و چاغداش لیک حزبی سیلاو لر ده گی سیکیولاریزم سوز لری بیلن باشقه حزب لرنینگ سیکیولاریزم طرفداری منسوب لری نینگ رای لری نی هم کسب ایتیش گه موفق بولدی.  عدالت و توسعه حزبی ائتلافی حکومتی ده اورین آلگن اوچ سیاسی حزب اوشبو کتگوریده اورین آلماقده. 

عرب بهاری دایره سیده پادشاه تامانیدن قیلینگن وعده لرنینگ سابق تیزیم نینگ آرایشیدن عبارت ایکن لیگی فکری رای بیروچی لرنینگ سیلاو لر گه اهمیت بیرمس لیک لری گه سبب بولگن اینگ مهم فکتور لر دن بیری نی تشکیل ایتماقده. 

خوب عدالت و توسعه حزبی قنده ی قیلیب رای میزانی نی آرتیریش گه موفق بولدی؟

اوشبو حزب نینگ پارلمانده ینه ۱۸ کرسی کسب ایتگن لیگی مراکش ده اسلامی بیر سیاست نینگ دولت ده اهمیتی نی انچه آرتیریب یوبارگن لیگی معنی سی گه کیلمیدی.  اشتراک میزانی نینگ پس بولگن بیر سیلاو ده آلینگن ۳۲ فایز لیک رای جمعیت نینگ ۱۰ فایز لیک رایی معنی سی گه کیله دی خلاص. 

بیراق ایندی اوشبو حزب نینگ برقرار بیر سیاسی کوچ گه ایگه ایکن لیگی نی ایسله تیب اوتیشی میز ممکن.  شونده ی قیلیب خلق نینگ مهم بیر قسمی نینگ عدالت و توسعه حزبی نی اوز بغری گه باسگن لیگی کورینماقده.   میلادی ۱۹۹۸ نچی و ۲۰۰۷ نچی ییل لری آره سیده دموکراتیک چپ نینگ آلیب باریتگن سیاست لری نی حاضرگی کونده عدالت و توسعه حزبی نینگ آلیب باریتگن لیگی کوزگه تشلنماقده.  پادشاه نینگ حزبی اوله بهالنتریلیتگن اصالت و چاغداش لیک حزبی سیلاو سیاست لری نینگ همه سی نینگ فقط گینه عدالت و توسعه حزبی گه مخالفت دن عبارت ایکن لیگی اوشبو جهت دن آلیب قره گنده انچه معنی لیک البته که. 

مراکشده ریفورم لر گه قره مسدن پادشاه و تیگره گی ده گی کیشی لر سیاسی کوچی نی قولدن بیرگن ایمس.  پادشاه نینگ حاکمیتی نینگ دوام ایتیتگن لیگی سببلی رقابتچی اوتوریتر بیر تیزیم نینگ موجود ایکن لیگی نی بیلدیریشی میز کیره ک اوشبو اولکه ده. سونگگی پیت لرده قیلینگن بیر تحقیقات گه کوره خلق نینگ ۸۲ فایزی دولت ده اداری فساد نینگ موجود ایکن لیگی نی اویله ماقده.  عینی دمده مراکش لیک لرنینگ ۹۱ فایزی اولکه لریده واسطه سیز ایش تاپیش نینگ ممکن ایمس لیگی گه ایشانماقده.