بغداد ده انتحاری هجوم اویشتریلدی: ییتتی کیشی جان بیردی

عراق پایختی بغداد ده اویشتریلگن انتحاری هجوم عاقبتیده ۷ کیشی جان بیررایکن, ۲۵ نفر ایسه یاره لندی.
امنیت مسئول لری تمانیدن آلینگن معلومات لر گه کوره, بغداد نینگ جنوبی ده گی الدرویش منطقه سیده عاشورا مراسم لری اوچون باریتگن بیر قطار گه قره ته انتحاری هجوم اویشتریلگن.
شوندای قلیب انتحاری هجومچی منفجره مواد یوکلنگن بیر عراده موتر نی پارتله تیب یوبارگن.
اوشبو حادثه عاقبتیده ۷ کیشی جان بیررایکن, ۲۵ نفر ایسه یاره لنگن.
عراق خوف سیزلیک کوچ لری خودی منه شو هجوم لر نینگ آرتیب کیتمس لیگی اوچون خوف سیزلیک تدبیرلری نی اینگ یوقاری سویه گه کوتریب یوباردی.