سوريه‌ده ترور تشکیلاتلریگه قرشی چاره – تدبیرلر کوریلماقده
موضوع بوییچه تورکیه جمهوریتی مدافعه وزیرلیگی سوزچیسی بیانات بیردی
سوريه‌ده ترور تشکیلاتلریگه قرشی آلدینی آلیش و یوق قیلیش چاره‌لری کوریله‌جگی بیلدیریلدی.
مدافعه وزیرلیگی مطبوعات و جماعتچیلیک بیلن علاقه‌لر مصلحتچیسی همده وزیرلیک مطبوعات کاتبی ذ‌کی آقتورک وزیرلیکده اوتکزیلگن هفته‌لیک مطبوعات کنفرانسیده، سوريه اوزاق ییللر دوامیده باسیم و ظلم باشقرووی آستیده قالگنی و حاضرده هم اونینگ توپراقلری نینگ بیر قِسمی نینگ ترور تشکیلاتلری تامانیدن باسیب آلینگنینی تأکیدلب، شولرنی قید اېتدی:
"سوريه نینگ اداری و جغرافیک بوتونلیگی همده مملکتیمیز و منطقه‌میزنینگ تینچلیک و آسایشته‌لیگی‌گه تهدید سالووچی پ ک ک/وای پی دی/وای پی جی/ایس دی جی و داعش قاله ویرسه برچه ترور تشکیلاتلریگه قرشی آلدینی آلیش و یوق قیلیش چاره‌لرینی کوریشده دوام اېته‌جگیمیزنی، منطقه‌ده هېچ قنده‌ی ترور حرکتلریگه یول قویمسلیگیمیزنی، سوريه نینگ مدافعه و خوفسیزلیک ظرفیتینی آشیریش همده سوريه‌لیکلرنینگ اختیاري، خوفسیز و مناسب روشده قَیتیشلرینی تأمینلش بوییچه ایشلریمیزنی ینگی رهبریت بیلن یقین همکارلیکده دوام اېتتیره‌‌جگیمیزنی ینه بیر بار تأکیدله‌یمیز.
شو مناسبت بیلن وزیرلیگیمیزدن بیر هیئت توناون تخنیکي مذاکره‌لر اوتکزیش اوچون سوريه‌گه تشریف بویوردی. تورکيه صفتیده بوگونگچه بولگنی کبی بوندن کېین هم سوريه خلقی نینگ یانیده بولیشده دوام اېته‌میز."
