تورکیه ده بیر هوتل‌ده یانغین یوزبیردی

بولو ولایتیده یوزبیرگن یانغین عاقبتیده کوپلب کیشی حیاتینی یوقاتدی

2232786
تورکیه ده بیر هوتل‌ده یانغین یوزبیردی

بولو ولایتی نینگ کارتال قایا چنغی مرکزیده‌گی بیر هوتل‌ده یوز بیرگن یانغین نتیجه‌سیده، دستلبکی معلوماتلرگه کوره‌، 10 کیشی هلاک بولدی، 32 کیشی یره‌لندی.

ایچکی ایشلر وزیری علی یېرلی قایا اوزی نینگ اجتماعي ترماقده‌گی بیاناتیده، بوگون تورکيه وقتی بیلن کیچه لب ساعت 03:27 ده کارتال قایا چنغی مرکزیده جایلشگن هوتل‌ده یانغین یوز بیرگنی حقیده خبر کېلیب توشگنینی معلوم قیلدی.

تورلی دولت اداره‌ و تشکیلاتلریدن 267 نفر خادم نینگ یانغینگه قرشی کوره‌شه‌یاتگنینی و ایشلر دوام اېته‌یاتگنینی بیلدیرگن یېرلی قایا شولرنی قید اېتدی:

"افسوسکی، حیاتینی یوقاتگنلر سانی 10 نفرگه، یره‌لنگنلر سانی 32 نفرگه یېتدی. وفات اېتگن وطنداشلریمیزگه الله‌دن رحمت، یره‌لنگنلریمیزگه تېزراق شَفا تیله‌یمن."

آلاوگه قرشی کوره‌ش دوام اېته‌یاتگن پیتده، یانغین بوییچه‌ عدلی تېرگاوی هم باشلندی.

محنت و اجتماعي تأمینات وزیرلیگی تامانیدن یانغیننی تېکشیریش اوچون تورت نفر باش مفتش تعیینلندی.

جمهور رئیس اورینباسری جودد ییلمز یانغینده هلاک بولگنلر اوچون اجتماعي ترماقده‌گی صحیفه‌سی آرقه‌لی قیغوداشلیک پیامی نشر قیلدی.

ییلمز اوز پیامیده تېگیشلی اداره‌لر یانغینگه قرشی کوره‌ش ایشلرینی دوام اېتتیره‌یاتگنینی تأکیدله‌دی.



علاقه لی ینگی لیکلر