تورکیه ده بیر قطار قاچقین قوتقریب آلیندی
اوشبو قاچقینلرنینگ یونان کوچلری تامانیدن هیدهب یوباریلگن لیگی انیقلندی

ازمیرنینگ چشمه و فوچه تومنلری یقینیده یونان کوچلری تامانیدن تورکيه نینگ دېنگیز حدودلریگه هیده ب یوباریلگن پلاستیک قَییقدهگی 2 نفری باله توپلم 27 قاچاق مهاجر قوتقریلدی، 58 نفری اېسه قولگه آلیندی.
ساحل خوفسیزلیک قوماندانلیگی نینگ انترنېت سایتیده اعلان قیلینگن معلوماتگه کوره، چشمه تومنی یقینیده پلاستیک قَییقده قاچقینلر گروهی بارلیگی حقیده خبر کېلیب توشگنیدن سونگ، منطقهگه خوفسیزلیک گروهی یوباریلگن.
خوفسیزلیک اعضالری یونان کوچلری تامانیدن تورکيه دېنگیز حدودلریگه هیدهب یوباریلگن پلاستیک قَییق ایچیده بولگن 2 نفری باله توپلم 27 ته قاچقیننی قوروقلیککه آلیب چیققن.
فوچه تومنی یقینیده اېسه توختهتیلگن 2 ته پلاستیک قَییقده 32 نفری باله توپلم 58 ناقانوني مهاجر قولگه آلیندی.
قاچقین مهاجرلر رسمي ایشلر توگهگچ، ولایت کوچ باشقرمهسیگه تاپشیریلدی.
علاقه لی ینگی لیکلر

تورکیه ده گی زلزله فلاکتیده وفات ایتگنلر یاد ایتیلماقده
عصر نینگ آفتی دېب تعریفلنگن تورکیه ده گی زلزله فلاکتیده ایککی ییل تولدی