تشقی ایشلر وزیری خاقان فیدان غرب نی قاره له دی

تشقی ایشلر وزیری خاقان فیدان، سوريه‌ده "داعش ترور تشکیلاتیگه قرشی کوره‌ش" بهانه‌سی بیلن بولووچی ترور تشکیلاتی وای پی جی/پ ک ک گه یاردم بېره‌یاتگن مملکتلرنی کېسکین قاره له دی.

وزیر فیدان استا‌نبولده محلي و خارجي ییتکرمه واسطه‌لری وکیللری بیلن اوچره‌شدی.

فیدان، اروپاده‌گی بعضی کیچیک دولتلرنینگ امریکا قوشمه‌ ایالتلری حمایه‌سی آستیده (سوريه‌ده) معلوم عملیاتلرگه قتنه‌شیب، او یېردن فکر بیلدیریش بوییچه‌ ایشلب چیققن سیاستلری اوزلریگه هم، منطقه‌گه هم فایده‌ کېلتیرمسلیگینی تأکیدله‌دی.

"امریکا قوشمه ایالتلری بولمه‌گن جایده اوزلری منطقه‌گه کیریب، عملیات اوتکزیش یاکه حربي کوچ جایلشتریش گه قادری می، کوره‌یلیک، لېکن بونده‌ی اېمسلیگینی بیله‌میز"، - دېگن فیدان، " امریکا قوشمه ایالتلری نینگ کوچیدن فایده‌لنیب، اونینگ آرتیگه یشنیب، اوز منفعتلرینی ایلگری سوریش بوییچه‌ فکر بیلدیرووچی مملکتلرگه اعتبار بیرمه‌یمیز. بو مسأله‌ده مخاطبیمیز امریکا قوشمه ایالتلری دیر. بیز امریکا قوشمه ایالتلری بیلن گپلشه‌میز، امریکا قوشمه ایالتلری نینگ آرتیدن اېرگشگن مملکتلر بیلن اېمس"، - دېدی.

تشقی ایشلر وزیری فیدان، "بیر نېچه‌ بار ایتدیک. بونده‌ی تهدید (پ ک ک /وای پی جی) بیلن یشش امکانیتیمیز یوق. (قدم) یا باشقه‌لر تشله‌یدی، یا بیز تشله‌یمیز"، - دېب گپیردی.