دونالد ترامپ: اېردوغان مېنینگ دوستیم و حرمت قیلهمن
ترامپ سوریه نینگ حاضرگی وضعیتی بوییچه سواللر قرشیسیده انقره نینگ اهمیتیگه اشاره قیلدی
امریکا قوشمه ایالتلری نینگ سیلنگن دولت رئیسی دونالد ترامپ، سوريهدن عسکرلرنی آلیب چیقیش و مملکتدهگی جریان بارهسیده تورکيه نینگ اهمیتینی تأکیدلب، " جمهور رئیس (رجب طیب) اېردوغان مېنینگ دوستیم و حرمت قیلهمن"، دېدی.
دونالد ترامپ فلوریدادهگی مار-آ-لاگو قرارگاهیده اوتکزگن مطبوعات انجمنیده تشقی سیاست مسألهلری بوییچه فکر بیلدیردی.
اوّلگی دولت رئیسلیک دوریده اوروشلردن قاچگنینی ایتگن ترامپ، سوريهدهگی امریکا عسکرلرینی قَیتریب آلهدیمی-یوقمی و مملکتدهگی جریان حقیدهگی بیاناتلریده تورکيه نینگ اهمیتیگه تماس قیلدی.
بیرینچی دولت رئیسلیک دوریده سوريهده ترور تشکیلاتی داعشنی مغلوب ایتگنینی و مملکتدهگی عسکرلری نینگ کتّه قِسمینی قَیتریب آلگنینی معلوم قیلگن ترامپ، حاضرگی وضعیت بوییچه سواللر قرشیسیده انقره نینگ اهمیتیگه اشاره قیلدی.
ترامپ، سوريهدهگی تخمیناً 2 مینگ امریکا عسکرینی قَیتریب آلهدیمی-یوقمی، دېگن سوالگه، "بونی سیزگه ایتمهیمن، چونکه بو حربي ستراتیژي نینگ بیر قِسمی. اما شونی ایتیشیم ممکنکی، بو تورکيه بیلن باغلیق وضعیت"، دېب جواب بېردی.
سوريه بیلن باغلیق مسألهلرده تورکيه نینگ مهم اشتراکچی اېکنینی تکرارلهگن ترامپ، "جمهور رئیس ایردوغان مېنینگ دوستیم و حرمت قیلهدیگن انسانیم. او هم مېنی حرمت قیلهدی دېب اویلهیمن"، دېب ایتدی.
سوريهدهگی سونگگی واقعهلرنی قندهی بهالشی حقیدهگی سوالگه جواب بېرگن ترامپ، "سوريهده بولهیاتگن واقعهلرگه قرهسنگیز، روسيه و اېران ضعیفلشدی. اېردوغان جوده عقللی آدم؛ آدملرینی او یېرگه تورلی شکل و ناملر آستیده یوباردی. اولر باریب او یېرده کنترولنی قولگه آلیشدی"، دېب بهالهدی.
علاقه لی ینگی لیکلر
تورکيه بیلن مصر هیئتلری ارا ییغین بولیب اوتدی
منطقوي کون ترتیبینی اوز ایچیگه آلگن مصلحتلشوو ییغینی پایتخت انقرهده بولیب اوتدی
