انتونی بلینکن تورکیه گه تشریف بیوره دی

امریکا قوشمه ایالتلری تشقی ایشلر وزیری انتونی بلینکن جمعه کونی تورکیه گه تشریف بیوره دی.

امریکا قوشمه ایالتلری تشقی ایشلر وزیری انتونی بلینکن نینگ 13 دسامبر جمعه کونی تورکیه نینگ پایتختی انقره گه تشریف بیوریشیدن خبر بیریلدی.

اوشبو سفرگه تیگیشلی حلی گچه تفصیلات بیریلگن یوق.

تورکیه جمهوریتی تشقی ایشلر وزیری خاقان فیدان و امریکا قوشمه ایالتلری تشقی ایشلر وزیری انتونی بلینکن 7 و 10 دسامبر تاریخلریده سوریه ده گی سونگگی وضعیت حقیده تیلفون آرقه لی سوزلشوو اوتکزگندی.