تورکیه جمهور رئیسی ایردوغان ترورچیلیک‌که قرشی کوره‌ش بوییچه بیانات بیردی
تورکیه جمهور رئیسی رجب طیب ایردوغان وزیرلر کینگه‌شى ییغینیدن كېیین بیانات بیردی
2208672
جمهور رئیس رجب طیب ایردوغان، ینه بیر مرته تروریزم گه قرشى كوره‌شده قطعیت پیامى بېردى.
چانقایه كوشكیده‌گى وزیرلر کینگه‌شى ییغینیدن كېیین خلققه خطاب قیلگن جمهور رئیس ایردوغان، سوزی‌نىنگ باشیده 86-نچى وفات ییلیده ملى كوره‌ش‌نینگ باش قومندا‌نى، جمهوریت‌نینگ اساسچیسى غازى مصطفى كمال آتاتورك‌نی ینه بیر مرته رحمت بیلن یاد ایتدى.
صحبتیده تروریزمگه قرشى كوره‌شده قطعیت پیامینى بېرگن ایردوغان، "ترور بولمه‌گن، بولووچى تشكیلات‌نینگ قرانغو سایه‌سى، سیاست و جمعیت اوستیدن تولیق چېكیلگن فراوان، تینچ و خوفسیز بیر محیطنى مملكتیمیز بویلب البته اورنته‌میز و مستحكمله‌یمیز" دېگن سوزلرنى ایتدى.
ایردوغان، توركیه‌نینگ، قندیلده‌گى ترور نوکرلرى قوزغه‌گن بو قانلى و پست اولیم چمبرینى پارچه-پارچه قیلیشده قرارلى ایكنلیگینى، بوندن هم آرقه‌گه قدم تشلمسلیگینى تأكیدله‌دى.
