ایردوغان: غزه ده سونگگی عصرنینگ اینگ وحشی قیرغین لریدن بیری یوزبیرماقده

جمهور ریٔس رجب طیب ایردوغان غزه ده سونگگی عصرنینگ اینگ وحشی قیرغین لریدن بیری نینگ یوزبیره یاتگنینی ایتدی.

جمهور ریٔس ایردوغان، استانبول ده، 40-نچی اسلام همکارلیک تشکیلاتی اقتصادی و تجارتی همکارلیک دایمی کمیته سی ییغینی آچیلیش پروگرامیده سوزله دی.

جمهور ریٔس، اسرائیل هجوملری آستیده گی فلسطین خلقی نینگ 13 آیده 50 مینگ شهید برگنینی، 2 میلیون انسان نینگ دوا-درمان سیز، آذیق-اوقاتسیز قالدیریلیب اولیم لری نینگ کوزله تیلگنینی، شونگه قره مسدن فلسطینلیک لرنینگ عزت-حرمت لریدن واز کیچمه گنینی بیلدیردی.

ایردوغان،

"سونگگی عصرنینگ اینگ وحشی قیرغینلریدن بیری حاضر یانیمیزده، غزه ده یشه لدی و یشه لماقده. صهیونیستیک رژیم و قوللب-قوتلاووچی لری 13 آیدن بویان هر تورلی ظلم نی، هر تورلی قیرغین نی عملگه آشیردیلر. لیکن فلسطینلیک قرینداش لریمیزنی تیز چوکتیره آلمه دی لر." دیب سوزله دی.

غزه و لبنان گه قره تیلگن صهیونیستیک تجاوزکارلیک که بیریله دیگن اینگ یخشی جواب لردن بیری، کوپراق دولت نینگ فلسطین دولتینی تن آلیشی بوله دیگنینی تاکیدله گن ایردوغان، اسلام دنیاسی نینگ فکر فرقلیلیکلرینی بیر طرفگه قوییب، فلسطین و لبنان خلقیگه حقلی کوره ش لریده قوللب-قوتله شی نینگ کتته اهمیت گه ایگه ایکنلیگینی تاکیدله دی.

جمهور ریٔس ایردوغان، اسرائیل نینگ قول اوره یاتگن قیرغینی قرشیسیده اینگ قطعی یانداشوو کورستگن دولت لردن بیری بولگن تورکیه نینگ، قولیده گی برچه امکانیت لر بیلن فلسطینلیک قرینداش لریگه یاردم بیریشگه حرکت قیله یاتگنینی ایتدی.

ایردوغان، تورکیه نینگ، 85 مینگ تُندن آرتیق یاردم بیلن غزه گه اینگ کوپ یاردم ییتکزگن دولت ایکنلیگینی هم بیلدیردی.