تورکیه تشقی ايشلر وزيری خاقان فیدان جيبوتی‌گه تشریف بیوره‌دی

تشقی ايشلر وزيری خاقان فيدان، تورکيه-افریقا شريکليگی اوچينچی وزيرلر قيته کوريب چيقيش ییغیني گه قتنه‌شيش اوچون جيبوتی‌گه کېته دی.

ییغین ٢-٣ نوامبر کونلری اوتکزيله‌دی.

وزير فيدان ییغینده، افریقا بيلن مناسبتلرنينگ تورکيه تشقی سياستی‌نينگ اساسلریدن بيری ايکنليگينی بيلديره‌دی.

تورکيه‌نينگ افریقا‌ده تينچليک و برقرارليک نینگ اورنه تيريلیشی گه حصّه قوشيشنی دوام اېتّيريشينی تأکيدله‌يدی.

افریقا بيرليگی‌نينگ جی-٢٠ گه توليق عضو بوليشي گه کوچلی ياردم بېريشينی افاده‌له‌يدی.

فيدان يېنه تورکيه‌نينگ افریقا‌گه قره‌تيلگن فعاليّتلريده، افریقا مملکتلری‌نينگ اوز اولويّتلری و احتياجلری اساسيده انسانی، اجتماعی و اقتصادی ترقّياتلريگه اعتبار قره‌تگنينی هم توشونتيره‌دی.

ییغینده تورکيه-افریقا شريکليگينی کوچه‌يتيريشگه قره‌تيلگن قدملرنی کوريب چيقيش کوزده توتيلماقده.

بوندن تشقری، کینگش نتيجه‌سيده، "اورتاق بيانات" و "٢٠٢٢-٢٠٢٤ اورتاق عملگه آشيريش راپوری" آتیده ايککی حجّتنی قبول قيليش هم رېجه‌لشتيريلماقده.