ایردوغان کابینه ییغینی نینگ آرتیدن بیانات بیردی

جمهور رئیس رجب طیب ایردوغان: "خلق ارا همجمیت اسرائیل نینگ بوتون منطقه‌نی اوتگه تشله‌یاتگن بو قراقچیلیگیگه آرتیق جیم توره آلمه‌یدی" دېدی.

جمهور باشلیغی ایردوغان وزیرلر کینگشی ییغیلیشیدن سونگ بیانات بېردی.

ایردوغان اسرائیل نینگ لبنانگه قرشی هجوملرینی ینه‌ده کوچه‌یتیرگنینی، سونگگی ۲ هفته ایچیده اسرائیل هجوملریده کوپلب باله‌لر بیلن بیر قطارده ۱۰۰۰ دن آرتیق لبنانلیک نینگ حیاتینی یوقاتگنینی معلوم قیلدی.

بوگون اسرائیل هجوملری آستیده‌گی فلسطین و لبنانگه ایگه‌لیک قیلیش انسانیتگه، تینچلیککه، تورلی اعتقادلرنینگ بیرگه یشش مدنیتیگه ایگه‌لیک قیلیش معناسینی انگله‌تیشینی تأکیدله‌گن ایردوغان:

"غزه، غربی قیرغاق، لبنانده‌گی ظلمگه اینگ کتته اعتراضنی اسلام ملکتلری بیلدیریشی کېره‌ک. مسلمانلر صفتیده ظلمنی توخته تیشده دنیاگه یېتکچیلیک قیلیشیمیز کېره‌ک" دېدی.

اسرائیل نینگ هجوملریگه نسبتاً اساسی نرسه اسلام دنیاسی‌نینگ مناسبتی ایکنلیگیگه اعتبار قره‌تیب:

"کوزینی قان و نفرت قاپله‌گن بیر هاووچ رادیکال صهیونیست منطقه‌میزنی و بوتون دنیانی اوتگه تشله‌یه‌پتی. بیز بو ظلمگه، بو وحشیلیککه هېچ قچان راضی بولمه‌یمیز. خلق ارا همجمیت اسرائیل نینگ بوتون منطقه‌نی اوتگه تشله‌یاتگن بو قراقچیلیگیگه آرتیق جیم توره آلمه‌یدی" دېگن جمهور باشلیغی:

"مسلمان، یهودی، نصرانی دېمه‌ی منطقه‌میزده‌گی هر بیر کیشی‌نینگ تینچلیگی اوچون خلق ارا همجمیت و اسلام عالمینی حرکتگه اوتیشگه چقیره‌میز" دېب تأکیدله‌دی.

ایردوغان، اسرائیل حکومتینی حماس قبول قیلگنینی اعلان قیلگن تینچلیککه مجبور قیله‌دیگن اقتصادی، سودا و دیپلوماتیک قدملر قوییلمه‌گنینی، بو جیم توریشلیک که قیغولنگنلرینی هم بیلدیردی.