جمهور رئیس ایردوغان بیرلشگن ملتلر تشکیلاتیده دایمی اعضا بولیش اورونیشده ایکن لیکلرینی تیلگه آلدی

تورکیە جمهور رئیسی رجب طیب ایردوغان، بیرلشگن ملتلر تشکیلاتی گە دائیمی اعضا بولیش اوچون حرکت قیله یاتگنلرینی ایتدی.

ایردوغان استانبولدە ژورنالیستلرنینگ سوللریگە جواب بیردی.

بیرلشگن ملتلر تشکیلاتی نینگ توزیلیشینی تنقید قیلیشنی دوام ایتگن ایردوغان، بیرلشگن ملتلر تشکیلاتی دەگی بیش دائیمی اعضانینگ دنیانی باشقرووچی دولتلر مقامیدە ایکنلیگینی ایتدی.

بیرلشگن ملتلر تشکیلاتی دە ساختارنی اصلاح قیلیش کیرەکلیگینی، ۵ خوفسیزلیک کینگشی دائیمی اعضاسی نینگ رایی بولمه ی قرار قبول قیلینمەسلیگینی ایتگن جمهور رئیس، "تورکیە صفتیدە بیز ھم دائیمی اعضا بولیشگە حرکت قیلماقدەمیز" دیدی.

یونان بیلن مناسبتلرگە ھم توختەلگن ایردوغان، کیلگوسی ییل باشیدە یونان بیلن یوقاری درجەلی ستراتیژیک کینگش ییغیلیشینی اوتکزەجکلرینی و بونینگ تیّارلیکلری دوام ایتەیاتگنینی بیلدیردی.

ایردوغان، یونان تامانی نینگ سونگگی پیتدە کوپەیگن ایگی دینگیزیدەگی بوزغونچیلیکلریگە تیگیشلی، یوقاری درجەلی ستراتیژیک کینگش ییغیلیشیدە بو مسلەنی ھم مذاکرە قیلەجکلرینی، یونان باش وزیری کیریاکوس میچوتاکیس نینگ بو معمانی تیلگه آلەجگینی و ییچیشینی اوزیگە ایتگنینی بیلدیردی.

آذربایجان بیلن ارمنستان اورتەسیدەگی مناسبتلرنی ھم بھالەگن ایردوغان، ارمنستان باش وزیری نیکول پاشینیان بیلن امریکا قوشمە ایالتلری نینگ نیویورک شھریدەگی اوچرەشوویدە، آذربایجان- ارمنستان اورتەسیدەگی یوز بیرگن قیینچیلیکلرنی مذاکرە قیلگنلرینی تاکیدلەدی.

ایردوغان، پاشینیان نینگ بو مسلەدە ایجابی یانداشوو ایچیدە ایکنلیگینی ایتدی.