اردوغان فلسطین مسئله سی حقیده پیام ترقه تدی

تورکیه جمهوریتی جمهوررئیسی رجب طیب اردوغان, مصنوعی ذکا بیلن تیارلنگن "بایکات" آتلی قوشیق نی اورتاقله شیب فلسطین نی قوللب- قوتله دی. 

اردوغان, اجتماعی ترماق آرقه لی ترقه تگن پیامیده, "سیسی میز, سوزی میز, دعالری میز, بشری یاردم لری میز و قولی میزده گی برچه امکانیت لری میز بیلن غزه و فلسطینلیک قرداشلری میز نینگ یانیده میز.  اولر نینگ اصیل و فخرلی مقاومت لرینی هر دایم حمایت قیلیش گه دوام ایته میز" دییه قید ایتدی. 

اردوغان, اوشبو پیامیده عدالت و رواجله نیش حزبی نینگ استانبول وکیلی, صنعتچی یوجل ارزن حاجی اوغیللری نینگ مصنوعی ذکا بیلن تیارله گن "بایکات" آتلی قوشیغی نینگ ویدیو تصویری گه هم اورین اجره تدی. 

ویدیوده, اسرائیل نینگ فلسطینده اویوشتیرگن هجوملری, انفجار لردن قاچگن فلسطینلیک باله لر, بایکات ایتیلیشی طلب قیلینگن محصولات بیلن دنیا ده گی فلسطین نینگ حمایت قیلینیشی اوچون بولیب اوتگن نمایش لر دن تصویر لر گه اجره تیلگن وضعیتده. 

جمهوررئیسلیک علاقه باشقرمه سی نینگ باشلیغی فخرالدین آلتون هم خوددی شوو پیام نی ترقه تیب, "فلسطین مستقل بولگونگه قدر کوره شی میز دوام ایته دی" دییه قید ایتدی.