سودان دن تورکیه گه منتدارچیلیک بیلدیریلدی
سودان حاکمیت کینگشی رئیسی اورینباسری ملک عقار تورکيه حکومتی و خلقی گه منّتدارچیلیک بیلدیردی
سودان حاکمیت کینگشی رئیسی اورینباسری ملک عقار مملکت باشقرووی و خلقی گه یاردم کورستگن تورکيه حکومتی و خلقی گه منّتدارچیلیک بیلدیردی.
حاکمیت کینگشی نینگ بیاناتیگه کوره، ملک عقار تورکيه نینگ خرطومده‌گی ایلچیسی فاتح یولدوزنی پورت سودانده‌گی اداره‌سیده قبول قیلدی.
عقار اوچره‌شوو چاغیده اوروش دوریده سودان خلقی گه کورسه‌تگن یاردم و قوللب-قوّتله‌گنی اوچون تورکيه حکومتی و خلقی گه منّتدارچیلیک اظهار ایتدی.
تورکيه نینگ انسانپرورلیک ساحه‌سیده و باشقه برچه جبهه‌لرده سوداننی قوللب-قوّتله‌گن یانداشووینی یوقاری بهاله‌گن عقار، ایکّی مملکت خلقلری منفعتی گه خدمت قیلووچی علاقه‌لرنی کوچه‌یتیریش و تورلی ساحه‌لرده همکارلیکنی دوام ایتتیریش ایسته‌گینی بیلدیردی.
ایلچی یولدوز ایسه عقار بیلن سودان نینگ عمومي وضعیتینی و تورکيه نینگ سودان خلقی گه اوروش سببلی یوزه‌گه کیلگن آغیر شرایطلرنی یینگیلله‌تیش اوچون کورسه‌تیشی ممکن بولگن یاردملر اوستیده باش قاتیرگنلیکلرینی معلوم قیلدی.
تورکيه نینگ سودان بیلن زراعت و کانچیلیک ساحه‌لریده همکارلیکنی رواجلنتیریش ایسته‌گینی تأکیدله‌گن یولدوز، یقین کیله‌جکده مدني و سودا علاقه‌لرینی رغبتلنتیریش و رواجلنتیریش اوستیده ایشلشینی بیلدیردی.
یولدوز تورکيه نینگ سودان خلقی و حکومتی گه یاردملرنی آشیریش گه قره‌تیلگن سعی-حرکتلرینی دوام ایتتیریش قرارلیلیگینی تأکیدله‌دی.
شونینگدیک، ایلچی یولدوز، اوروش، سوو تاشقینی و اوبا کسللیکلریدن ضرر کورگنلرگه ییتکزیب بیریش اوچون چادر، آزیق-طعام و دارو-درمان آرتیلگن تورک کیمه‌سی نینگ یقین آره‌ده سودان تامان یول آلیشینی تأکیدله‌دی.
