اردوغان فلسطین مسئله سی بوییچه اسلامی اولکه لر گه چقیریق بیردی

تورکیه جمهوریتی جمهوررئیسی رجب طیب اردوغان, وظیفه سی بیت المقدس دعواسی گه ایگه چیقیش دن عبارت بولگن اسلام همکارلیک تشکیلاتی نینگ اسرائیل نینگ دوام ایتیاتگن هجوملرینی کوریب تورگن لیگینی معلوم قیلرایکن, اوشبو تشکیلات نینگ وقت نی اوتکزمسدن رهبر لر سویه سیده ییغیلیش اوتکزیشی و اسلام عالمی نینگ قرارلی بیر سیاست آلیب باریشی نینگ جوده هم مهم ایکن لیگینی بیلدیردی. 

اردوغان, بولیب اوتگن جمهوررئیسلیک کابینه ییغیلیشی آرتیدن بیانات بیردی. 

غزه ده آتشکیسین نینگ اورنه تیلیشی و یاردم لرنینگ ییتکزیب بیریلیشی بوییچه آلیب باریاتگن واسطه چیلیک فعالیت لریده مصر مقام لرینی حمایت قیلیاتگن لیک لرینی بیلدیرگن اردوغان, "اسرائیل نینگ توسعه طلبلیک سیاستی نی جدللشتیرگن خوددی شوو دور نینگ اوزیده برچه منطقه اولکه لری اوله راق آره میزده گی همکارلیک نی مستحکم لشتیریشی میز کیره ک.  12- آیی گه کیرگن غزه ده گی قیرغین قرشیسیده اسلام عالمی نینگ ینه ده قرارلی بیر سیاست آلیب باریشی اوچون فعالیت لری میزنی جدللشتیردیک" دییه قید ایتدی. 

اردوغان, اسرائیل حکومتی نینگ اشغال سیاستی نی ایلک قبله بولگن مسجدالاقصی نی هم قمره یدیگن شکلده کینگه یتیریش گه انتیلیاتگن لیگی نینگ ایندی انیق کورینیب تورگن لیگینی بیلدیررایکن, اوز سوز لرینی, "صهیونیست لرنینگ حرم شریف گه قره تیلگن هجوم لری کونساین آرتیب بارماقده.  بولرنینگ همه سینی یقیندن کوزه تماقده میز" شکلیده دوام ایتتیردی. 

بیت المقدس نینگ اینگ مهم موضوع ایکن لیگینی بیلدیرگن جمهوررئیس اردوغان, "وظیفه سی بیت المقدس دعواسی گه ایگه چیقیش دن عبارت بولگن اسلام همکارلیک تشکیلاتی اسرائیل نینگ دوام ایتیاتگن هجوملرینی کوریب تورگن وضعیتده. مذکور تشکیلات نینگ وقت نی اوتکزمسدن رهبر لر سویه سیده ییغیلیش اوتکزیشی و اسلام عالمی نینگ قرارلی بیر سیاست آلیب باریشی جوده هم مهم. اوشبو توغریده تماس لری میزنی کونساین آرتیب باره دیگن شکلده دوام ایتتیره میز" دییه قید ایتدی.