اردوغان تبون گه تبریک بیلدیردی

اردوغان تبون گه تبریک بیلدیردی

تبون ینگیدن الجزایر جمهوررئیسی ایتیب سیلندی

تورکیه جمهوریتی جمهوررئیسی رجب طیب اردوغان, ینگیدن الجزایر جمهوررئیسی ایتیب سیلنگن لیگی سببلی عبدالمجید تبون گه تبریک بیلدیردی. 

جمهوررئیسلیک علاقه باشقرمه سی تامانیدن بیریلگن معلوماتگه کوره, جمهوررئیس اردوغان, تلفن آرقه لی الجزایر جمهوررئیسی تبون بیلن سوزله شدی. 

اردوغان, سیلاو لرده گی موفقیتی و ینگیدن جمهوررئیس ایتیب سیلنگن لیگی اوچون تبون گه تبریک بیلدیردی. 

جمهوررئیس اردوغان اوشبو صحبتده, سیلاو نتیجه سی نینگ الجزایر خلقی نینگ سونگی 5 ییلده قیلینگن ایشلر نی حمایت قیلگن لیگی نینگ کورستگیچی ایکن لیگینی بیلدیررایکن, الجزایرده برقرارلیک و رفاه نینگ ینه ده یخشیراق بوله دیگن لیگی, تورکیه بیلن الجزایر اورته سیده گی مناسبت لرنینگ قرداشلیک علاقه لری گه ماس بیر شکلده رواجله نیش گه دوام ایته دیگن لیگینی معلوم قیلدی. 

تبون نی تورکیه گه دعوت ایتگن اردوغان, تورکیه نینگ الجزایر نینگ بیرلشگن ملتلر تشکیلاتی خوفسیزلیک کینگشی اوتکینچی عضوی صفتیده فلسطین مسئله سی بوییچه قیلگن سعی و حرکت لری خرسندچیلیک بیلن کوتیب آلگن لیگی و اسرائیل نینگ مظلوم فلسطین خلقی گه قره تیلگن هجوم لری نینگ توخته تیلیشی اوچون ایکله اولکه نینگ تشبث لری نینگ کونساین آرتیب کیته دیگن شکلده دوام ایته دیگن لیگینی ایسله تیب اوتدی.