تورکیه تشقی ایشلر وزیری غزه حقیده مهم بیانات بیردی

تشقی ایشلر وزیری خاقان فیدان اسرائیل نینگ غزه‌گه قره ته دوام ایته‌یاتگن هجوملری حقیده: "غزه‌ده یوز بیره‌یاتگن قرغین نینگ اساسي عیبداری (اسرائیل باش وزیری بنیامین) نتانیا‌هو اوزیدیر"، - دیدی.

فیدان، شمالي مقدونیه تشقی ایشلر و تشقی سودا وزیری تیمکو موکنسکی بیلن اسکوپ ده‌گی اوچره‌شوویدن سونگ اوتکزیلگن قوشمه‌ مطبوعات کنفرانسیده سوزگه چیقدی.

غزه‌ده‌گی وحشيلیک نینگ دوام ایته‌یاتگنینی تأکیدله‌گن فیدان، بحران نینگ غربي ساحلگه هم یاییلیشی و مسجد الاقصی گه قیلینگن تحریک‌لرنینگ وضعیتنی ینه‌ده آغیرلشتیره‌یاتگنینی قید ایتدی.

فیدان، اسرائیل نینگ غزه‌گه قرشی دوام ایته‌یاتگن هجوملری حقیده:

" غزه‌ده یوز بیره‌یاتگن قرغین نینگ اساسي عیبداری نتانیا‌هو اوزیدیر. نتانیا‌هو حاکمیتده قالیش مقصدیده اولیم و دهشت ساچیش گه دوام ایتماقده. او آتشکیس گه قره‌تیلگن برچه‌ تشبثلرگه توسیق بولماقده، صلح مذاکره‌لریده دایمي روشده ینگی شرطلر قوییب، اوییننی بوزیشده دوام ایتماقده"، - دیدی.

اسرائیل خلقی هم نتانیا‌هوگه ناراضیلیک بیلدیره باشله‌گنی گه اعتبار قره‌تگن فیدان:

"خلق‌ارا همجمعیت نتانیا‌هونی توخته‌تیشگه مجبوردیر. قیرغیننی کوریب جیم توریش، بو جنایتگه شریک بولیش بیلن تینگدیر"، - دیب تأکیدله‌دی.