السیسی انقره گه تشریف بیوردی
السیسی همکسبی ایردوغان تامانیدن کوتیب آلیندی
بوگون، انقره 12 ییل کیین مصردن جمهور رئیس سویهسیده بیر مهمانگه میزبانلیک قیلماقده. جمهور رئیس رجب طیب ایردوغان نینگ چقیریغی گه بناءً مصر جمهور باشلیغی عبدالفتاح السیسی تورکیهگه ایلک رسمی تشریفینی عملگه آشیرماقده.
السیسی نی انقره ایسن بوغه هوا قونلغه سیده اوز همکسبی جمهور باشلیغی ایردوغان کوتیب آلدی. شونده ی قیلیب السیسی اوچون بیش تیپه مجتمعیده طنطنهلی مراسم اوتکزیلهدی.
تشریف دوامیده ایکّی ییتکچی تورکیه-مصر عالی درجهدهگی ستراتیژیک همکارلیک کینگشی ییغیلیشی گه باشچیلیک قیلهدی.
اوچرهشووده ایکّی مملکت اورتهسیدهگی سودا حجمینی 10 میلیارد دالردن 15 میلیارد دالرگه آشیریش مقصدیده کوریلهدیگن چارهلر اوستیده بحث قیلینهدی. انرژی، ساغلیقنی سقلش، توریزم و مدافعه صنایعی کبی ساحهلرده اوزاق مدتلی همکارلیک امکانیتلری هم کوریب چیقیلهدی.
بوندن تشقری، اسرائیل نینگ غزهدهگی قیرغینلری و منطقهگه کورسهتیلهیاتگن انسانی یاردملر هم اوچره شوونینگ اساسی موضوعلریدن بیری بولهدی.
ایردوغان بیلن السیسی آتشکیس نینگ تیزده اورنه تیلیشی اوچون عملگه آشیریلیشی ممکن بولگن قوشمه چاره-تدبیرلرنی و منطقوی مسألهلرده دایمی تینچلیک و برقرارلیک تأمینلش اوچون عملگه آشیریلیشی ممکن بولگن ایشلرنی تیلگه آلهدیلر.
علاقه لی ینگی لیکلر
تورکیه تامانیدن غزه ده اون مینگلب کیشی گه آذیق - طعام ییتکزیب بیریلماقده
غزه نینگ شِمالیده جایلشگن خان یونوس شهریدهگی محتاجلرگه ییتکزیب بیریش گه باشلندی
