جمهورباشلیغی ایردوغان سیواس کنگره سی ییل لیگی مناسبتی بیلن پیام ترقه تدی
تورکیه ده سیواس کنگره سی نینگ 105 - ییل لیگی نشانلنماقده شو مناسبت بیلن ایردوغان بیر پیام ترقه تدی
جمهور رئیس رجب طیب ایردوغان بوندن 105 ییل آلدین سیواسده مستقللیک و وطن سیوگیسی بیلن یاقیلگن مشعله بوگون هم تورکیه نینگ زمانوی مدنیت یولیدهگی یوریشیده یولینی یاریتهیاتگنینی تأکیدلهدی.
جمهور باشلیغی ایردوغان، سیواس کنگره سی نینگ 105 ییل لیگی گه بغیشلب پیام ترقتدی. او، سیواس کنگره سیده هر قندهی امکانسیزلیکلر ایچیده اوز بیرلیک و همجهتلیگینی سقلب قالگن تورک ملتی نینگ استقلال کورهشینی غلبه بیلن یکونلهگنینی ایسلهتیب، کنگره ده قبول قیلینگن تاریخی قرارلر نهفقط قوتیلیش اوروشی نینگ یولینی آچیب بیرگنینی، بلکه جمهوریت نینگ کیلهجگینی هم بیلگیلب بیرگنینی تأکیدلهدی.
جمهور باشلیغی ایردوغان، اوز پیامیده شوندهی دیدی:
"بوندن 105 ییل اوّل سیواسده مستقللیک و وطن سیوگیسی بیلن یاقیلگن مشعله بوگون هم زمانوی مدنیت گه بولگن یوریشیمیزده یولیمیزنی یاریتماقده. شانلی تاریخیمیزدن فخرلنهدیگن، قهرمان اجدادلریمیزنینگ روحینی و آنگینی میراث قیلیب آلگن یاش اولادلر مملکتیمیزنی تورکیه عصری هدفیگه آلیب بارهدی.
بوگون بیز هم قدملریمیزنی سیواس کنگره سیده قبول قیلینگن و تورکیه جمهوریتی نینگ پایدیوارینی تشکیل ایتگن قرارلرگه صداقت بیلن تشلهیهپمیز. سیواس کنگره سی نینگ ییللیگیده، باشده غازی مصطفی کمال قاله بیرسه برچه قهرمانلریمیزنی حرمت و منّتدارلیک بیلن یاد ایتیب، اوشبو کنگره گه میزبانلیک قیلگن سیواسلیکلرنی و برچه وطنداشلریمنی اینگ صمیمی تویغولریم بیلن قوتلهیمن."
علاقه لی ینگی لیکلر
تورکیه تامانیدن غزه ده اون مینگلب کیشی گه آذیق - طعام ییتکزیب بیریلماقده
غزه نینگ شِمالیده جایلشگن خان یونوس شهریدهگی محتاجلرگه ییتکزیب بیریش گه باشلندی
