تورکیه تشقی ایشلر وزیری مصرلیک و قطرلیک کسبداشلری بیلن سوزله شدی
اوشبو صحبت لر تلفن آرقه لی بولیب اوتدی
تورکیه جمهوریتی تشقی ایشلر وزیری خاقان فیدان, تلفن آرقه لی, قطرلیک و مصرلیک کسبداشلری بیلن سوزله شدی.
اوشبو صحبتده, اسرائیللیک وزیر لرنینگ فلسطین توپراق لرینی باسیب آلگن افراطی یهودی لر بیلن مسجدالاقصی گه باسیب کیرگن لیک لری و غزه ده گی سونگّی وضعیت باره سیده بحث ایتیلدی.
فیدان, تلفن آرقه لی, قطر باش وزیری و تشقی ایشلر وزیری شیخ محمد بن عبدالرحمن آل ثانی و مصر تشقی ایشلر وزیری بدر عبدالعاطی بیلن سوزله شدی.
صحبتلرده, افراطی اسرائیللیک لرنینگ توناون مسجدالاقصی گه باسیب کیرگن لیگی, غزه ده گی سونگّی وضعیت و منطقه مقیاسیده گی ینگیلیکلر باره سیده بحث ایتیلدی.
توناون ایرته لب اسرائیللیک ایکّی وزیر بیلن بیرگه افراطی یهودی لر, اسرائیل پولیسی نینگ حمایتی بیلن مسجدالاقصی گه باسیب کیرگن ایدی.
بیت المقدس اسلامی وقف لر اداره سی تامانیدن بیریلگن بیاناتگه کوره, تقریباً 2 مینگ 250 نفر افراطی یهودی مسجدالاقصی گه باسیب کیرگن.
مسجدالاقصی ده ایریم افراطی یهودی لرنینگ دینی مراسم ترتیب له گن لیک لری کورینگن ایدی.
